চিৰাং , 19 জানুৱাৰীঃ শনিবাৰে নিশা চিৰাং আৰক্ষীয়ে আটক কৰে এজন ড্ৰাগছ সৰবৰাহকাৰীক ৷ চিৰাং জিলাৰ বিজনী মহকুমাৰ আৰক্ষী বিষয়া প্ৰকাশ মেধিৰ নেতৃত্বত আৰু স্থানীয় ৰাইজৰ সহযোগিতাত গোপন তথ্যৰ পম খেদি আৰক্ষীয়ে ড্ৰাগছ সৰবৰাহকাৰীটোক আটক কৰিবলৈ সক্ষম হয় ৷ শনিবাৰে নিশা চিৰাঙৰ বিজনী ৰে’ল ষ্টেচনৰ শিতলা মন্দিৰৰ সমীপৰ পৰা যুৱক জনক আটক কৰিবলৈ সক্ষম হয় আৰক্ষীয়ে ৷ ধৃত যুৱকজনৰ নাম মাৰবিন আহমেদ(18) ৷ আৰক্ষীয়ে যুৱকজনৰ পৰা ড্ৰাগছ ভৰ্তি 9 টা কণ্টেইনাৰ সহ এটা চিৰিঞ্জ উদ্ধাৰ কৰিছে ৷
লগতে পঢ়কঃ সৰ্বভাৰতীয় পৰ্যায়ত প্ৰথম স্থান দখল কৰিলে কমলপুৰৰ হিমানজ্যোতিয়ে
