বঙাইগাঁৱত আৰক্ষীৰ জালত আই পি এল জুৱাৰ মালিক

সোমবাৰে বঙাইগাঁও আৰক্ষীয়ে অভিযান চলাই আই পি এল জুৱাৰ এজন মালিকক গ্ৰেপ্তাৰ কৰিবলৈ সক্ষম হয় ৷ ধৃত লোক জনৰ পৰা আৰক্ষীয়ে 2 লক্ষাধিক টকা জব্দ কৰিবলৈ সক্ষম হয় ৷

বঙাইগাঁও, 19 অক্টোবৰ: বঙাইগাঁও জিলাত অব্যাহত থকা আই পি এল জুৱাৰ বিৰুদ্ধে আৰক্ষীৰ অভিযান ৷ জিলাখনৰ অভয়াপুৰীৰ লেংটিছিঙাত আৰক্ষীয়ে অভিযান চলাই জুৱাৰ এজন মালিকক গ্ৰেপ্তাৰ কৰিবলৈ সক্ষম হয় ৷ লেংটিছিঙাৰ পৰা গ্ৰেপ্তাৰ কৰা লোকজন সুনীল ঘোষ (৩৭) বুলি জানিব পৰা গৈছে ৷ অভিযানকাৰী দলটোৱে ধৃত লোকজনৰ পৰা নগদ ২,৭১৬০০ টকা আৰু মোবাইল জব্দ কৰে ৷

আনহাতে আৰক্ষীয়ে জানিবলৈ দিয়া অনুসৰি, সঞ্জয় দাস নামৰ আন এজন লোকে পলায়ন কৰে যদিও, অভিযুক্তজনৰ ঘৰত অভিযান চলাই নগদ ২,৫৬৩৫০ জব্দ কৰিবলৈ সক্ষম হয় আৰক্ষী ৷ বঙাইগাঁও জিলা আৰক্ষী অধীক্ষক সুবোধ সোণোৱালে গোপন সুত্ৰই প্ৰদান কৰা তথ্যৰক ভিত্তিত বঙাইগাঁও আৰক্ষীক অবৈধ জুৱাৰ বিৰুদ্ধে অভিযান চলাবলৈ নিৰ্দেশ প্ৰদান কৰিছিল ৷

লগতে পঢ়ক: আৰক্ষীৰ অভিযানত উদ্ধাৰ হেৰ’ইন: ধৃত দুই