চিৰাং , 14 মাৰ্চ - চিৰাঙৰ ঢালিগাঁৱত আৰক্ষীৰ অভিযানত জব্দ বৃহৎপৰিমাণৰ মণিপুৰী গাঞ্জা ৷ আগৰতলাৰ পৰা বিহাৰলৈ সৰবৰাহৰ বাবে অনা হৈছিল গাঞ্জাখিনি ৷
চিৰাঙত জব্দ দহলক্ষাধিক ওজনৰ গাঞ্জা
বুধবাৰে নিশা গোপনসূত্ৰৰ পম খেদি ঢালিগাঁও আৰক্ষী চকীৰ ভাৰপ্ৰাপ্ত আৰক্ষী বিষয়া বিজিত দাধৰাৰ নেতৃত্বত চলোৱা অভিযানত প্ৰায় দহ লক্ষাধিক টকাৰ গাঞ্জাখিনি জব্দ কৰিবলৈ সক্ষম হয় ঢালিগাঁও আৰক্ষী ৷ ঢালিগাঁৱৰ 31 নং ৰাষ্ট্ৰীয় ঘাই পথেৰে এন এল 02 এল-2481 নম্বৰৰ কন্টেইনাৰ গাড়ীখনেৰে আগৰতলাৰ পৰা অনা হৈছিল 717 কেজি মনিপুৰী গাঞ্জা ৷ গাড়ী খনৰ চালক লালা কুমাৰক ইতিমধ্যে গ্ৰেপ্তাৰ কৰে আৰক্ষীয়ে ।
