চিৰাং,30 জুন: চিৰাঙৰ বিজনীৰ বিষ্ণুপুৰত সদৌ বিটিচি বেংগলী যুৱ ছাত্ৰ ফেডাৰেচনৰ কৃতি ছাত্ৰ-ছাত্ৰীক সম্বৰ্দ্ধনা ৷ অনুষ্ঠানটোত ছাত্ৰ সংগঠনটোৰ সভাপতি মণ্টু দে, সাধাৰণ সম্পাদক ব্ৰজগোপাল সৰকাৰ,18নং মানাস ছেৰফাং সমষ্টিৰ বিটিচিৰ পৰিষদীয় সদস্য অতিন হাজং, প্ৰাক্তন এম চি এল এ সুভাষ বসুমতাৰী,শিক্ষাবিদ কাৰ্তিক চন্দ্ৰ দাস,এচ এচ বিৰ বিষ্ণুপুৰ কেম্পৰ কামাণ্ডেটৰ লগতে আন বহু লোক উপস্থিত থাকে । অভিনন্দন অনুষ্ঠানৰ পূৰ্বে সদৌ বিটিচি বাঙালী যুৱ ছাত্ৰ ফেডাৰেচনৰ সভাপতি মণ্টু দে সংগঠনটোৰ পতাকা উত্তোলন কৰাৰ লগতে শ্বহীদসকলৰ স্মৃতিত বন্তি প্ৰজ্বলন কৰে সদৌ বিটিচি বাঙালী যুৱ ছাত্ৰ ফেডাৰেচনৰ সাধাৰণ সম্পাদক ব্ৰজগোপাল সৰকাৰে। দেওবাৰে অনুষ্ঠিত এই অভিনন্দন অনুষ্ঠানত বিজনীৰ বিষ্ণুপুৰ আঞ্চলিকৰ অন্তৰ্গত এলেকাৰ মুঠ ৭০ জনকৈ কৃতি ছাত্ৰ-ছাত্ৰীক সদৌ বিটিচি বাঙালী যুৱ ছাত্ৰ ফেডাৰেচনৰ বিষ্ণুপুৰ আঞ্চলিক সমিতিয়ে সম্বৰ্দ্ধনা জ্ঞাপন কৰে ।
