চিৰাং, 2 ডিচেম্বৰ : সোমবাৰে চিৰাঙত বিদ্যুৎপৃষ্ট হৈ নিহত এজন গৃহৰক্ষী জোৱান। জানিব পৰা মতে, জিলাখনৰ আৰক্ষী অধীক্ষকৰ চৰকাৰী আবাসগৃহত মালী হিচাবে কৰ্মৰত শংকৰ ৰায়(৩৩) নামৰ জোৱানজনে আৰক্ষী অধীক্ষকৰ আবাসৰ উদ্যানৰ গছৰ ডাল কাটোতে এচ টি লাইনত বিদ্যুৎস্পৃষ্ট হৈ গছৰ পৰা বাগৰি পৰে । ততাতয়াকৈ জোৱানজনক বঙাইগাঁৱৰ নাৰ্ছিং হোমত ভৰ্তি কৰায় যদিও চিকিৎসকে জোৱানজন মৃত বুলি ঘোষণা কৰে ।
গৃহৰক্ষী জোৱানৰ মৃত্যু
বৰ্তমান জোৱানজনৰ মৃতদেহ চিৰাং জিলা সদৰ কাজলগাঁৱৰ জে এচ বি অসামৰিক চিকিৎসালয়ত মৰণোত্তৰ পৰীক্ষাৰ বাবে ৰখা হৈছে। নিহত জোৱানজনৰ ঘৰ বঙাইগাঁও জিলাৰ বইটামাৰীৰ ঢাকনামাৰীত ৷ মৃত জোৱানজনে ইহ সংসাৰত এৰি যায় পত্নী সহ সাত বছৰীয়া পুত্ৰক ।
