চিৰাঙত জীৱন্ত দুৰ্গা প্ৰতিমাৰে শোভাযাত্ৰা

চিৰাঙৰ বিজনী ১নং বিষ্ণুপুৰত জীৱন্ত দুৰ্গা প্ৰতিমালৈ সমদল । বিজনী মহকুমা আৰক্ষী বিষয়া কাশ মেধিয়ে মুকলি কৰিলে পূজা মণ্ডপ ।

চিৰাং, 4 অক্টোবৰঃ দুৰ্গা পূজাক লৈ উখল-মাখল সমগ্ৰ ৰাজ্য । ৰাজ্যৰ প্ৰতিটো প্ৰান্তত এতিয়া শাৰদী ৰাণীক আদৰাৰ প্ৰস্তুতি ৷ চিৰাঙৰ বিজনীৰ পাণবাৰী থানাৰ অন্তৰ্গত ১নং বিষ্ণুপুৰত পূজাৰ ব্যাপক প্ৰস্তুতি ৷ বিষ্ণুপুৰত ১৯৫১ চনৰ পৰা অনুষ্ঠিত হৈ আহিছে দুৰ্গা পূজা ৷ বিষ্ণুপুৰৰ ঐতিহ্য বহন কৰি অহা এই পূজাখনে পূজাৰ আগদিনা বিষ্ণুপুৰৰ পৰা উলুবাৰী লৈ প্ৰতি বছৰৰ দৰে এইবেলিও কলহ যাত্ৰা উলিয়াই । তাৰোপৰি কণ-কণ শিশুৰে সজোৱা জীৱন্ত প্ৰতিমাৰে সমদল বাহিৰ কৰে ৷ উল্লেখ্য যে, কলহ যাত্ৰা ফিতা কাটি উন্মোচন কৰে বিজনীৰ মহকুমা আৰক্ষী বিষয়া প্ৰকাশ মেধিয়ে, লগতে উপস্থিত থাকে বিটিচিৰ সুভাইঝাৰ সমষ্টীৰ এম চি এল এ গুনেশ্বৰ গয়াৰী ।