চিৰাং,১৫জুন : শনিবাৰে চিৰাং জিলাৰ চিৰাং বন সংমণ্ডলত বন বিভাগৰ অভিযান ।অভিযানত জব্দ বৃহৎ পৰিমানৰ চোৰাং কাঠ । বন সংমণ্ডল বিষয়াৰ কাৰ্যালয়ৰ পৰা মাত্ৰ দুশ মিটাৰ আঁতৰত থকা বিলাসপুৰ আৰু পদ্মপুৰত পাঁচ দিনৰ পৰা ধাৰাবাহিক ভাৱে চলোৱা অভিযানত বন বিভাগে এই বৃহৎ পৰিমানৰ চোৰাং কাঠখিনি জব্দ কৰিবলৈ সক্ষম হয় । বন বিভাগৰ সূত্ৰ অনুসৰি প্ৰায় কোটী টকা মুল্যৰ জব্দ হোৱা এই চোৰাং কাঠখিনি বৰ্তমান বন সংমণ্ডল বিষয়াৰ কাৰ্যালয়ত ৰখা হৈছে ।
চিৰাঙত জব্দ কোটি টকাৰ চোৰাং কাঠ
ইফালে, পশ্চিম বিলাসপুৰত থকা দুটাকৈ কাঠ মিলত বৰ্তমানেও বন বিভাগে কোনো ধৰনৰ অভিযান চলোৱা নাই বুলি অভিযোগ উত্থাপন হৈছে । প্ৰকৃতিপ্ৰেমি সকলৰ আহ্বান নিতৌ নিশা চিৰাং জিলাৰ পৰা অইন জিলালৈ যোৱা ২৫/৩০ খনকৈ ট্ৰাক চোৰাং কাঠ জব্দ কৰক আৰু ইয়াক অতি শীঘ্ৰে বন্ধ কৰক ।
