চিৰাং,8 জুলাইঃ চিৰাং জিলাৰ ভাৰত-ভূটান সীমান্তৰ শান্তিপুৰ,দেউশ্ৰী আৰু কৰাইবাৰী আদি অঞ্চলৰ বহু লোক বৰ্তমান আক্ৰান্ত হৈছে মেলেৰীয়াত৷ আচৰিত ভাৱে বৃহত্তৰ সীমান্ত অঞ্চলটো সাঙুৰী শান্তিপুৰ ৰাজ্যিক চিকিৎসালয় আছে যদিও নাই চিকিৎসক । এজন মাথো এবছৰীয়া ঠিকা ভিত্তিক চিকিৎসক আছিল যদিও প্ৰায়েই নাথাকে চিকিৎসকগৰাকী ।
শান্তিপুৰ ৰাজ্যিক চিকিৎসালয়ত চিকিৎসক বা চৰকাৰী সুবিধা নোপোৱাৰ ফলত শান্তিপুৰ বজাৰত থকা ব্যক্তিগত খণ্ডৰ ফাৰ্মাচীলৈ ঢাপলি মেলিব লগীয়া হৈছে ৰোগী সকল । ব্যাক্তিগত ফাৰ্মাচী খনৰ পৰা জানিব পৰা মতে শতকৰা ৭০/৮০ শতাংশ লোকৰে মেলেৰীয়া হৈছে । প্ৰতিজন লোকে ৮০ টকাৰ বিনিময়ত তেজ পৰীক্ষা কৰি মেলেৰীয়া হোৱা বুলি নিশ্চিত হয় । স্বাস্থ্য মন্ত্ৰীয়ে সংবাদমেল পাতি মেলেৰীয়াৰ বাবে সম্পূৰ্ণ বিনামূলীয়া তেজ পৰীক্ষা আৰু চিকিৎসাৰ ঘোষণা কৰিলেও সেয়া বাস্তৱত পৰিণত হোৱা নাই চিৰাঙত । গৰু ছাগলীৰ চৰণীয়া পথাৰত পৰিণত হৈছে শান্তিপুৰ ৰাজ্যিক চিকিৎসালয়খন৷
লগতে পঢ়কঃ মুখ্যমন্ত্ৰীয়ে শুভাৰম্ভ কৰিলে অনুকৃতিমূলক বৃন্দাবনী বস্ত্ৰ বয়ন শাল
