চিৰাং, 7 আগষ্ট: চিৰাং জিলাৰ বিভিন্ন ঠাইত শুকুৰবাৰে মুঠ 23 গৰাকী লোকৰ দেহত ধৰা পৰে ক’ভিড-19 ৰ অৱস্থিতি ৷ ইয়াৰে জিলাখনৰ বৰতালোৱা বজাৰৰ 179 গৰাকী লোকৰ ৰেপিড এন্টিজেন টেষ্টত 13 গৰাকীকৈ লোকৰ দেহত ধৰা পৰে ক’ভিড ভাইৰাছ ৷ ইয়াৰ লগে-লগে চিৰাং জিলাখনত মুঠ ক’ভিড ৰোগীৰ সংখ্যা 336 গৰাকীলৈ বৃদ্ধি পাইছে ৷ অৱশ্যে ইয়াৰে 219 গৰাকী আৰোগ্য লাভ কৰিবলৈ সক্ষম হৈছে ৷
চিৰাঙত ক’ভিড-১৯ ৰ সামাজিক সংক্ৰমণৰ আশংকা
এতিয়াও জিলাখনত 117 গৰাকী লোক এতিয়াও জিলাখনৰ তিনিখন চিকিৎসালয়ত চিকিৎসাধীন হৈ আছে বুলি সদৰি কৰে জিলা স্বাস্থ্য বিভাগে ।
চিৰাং জিলা প্ৰশাসনে ইতিমধ্যে জিলাখনৰ সকলো বজাৰৰ লগতে গাঁও সমূহত এন্টিজেন টেষ্ট কৰাৰ নিৰ্দেশনা জাৰি কৰা বুলি জানিব পৰা গৈছে । কাৰণ জিলাখনত ক’ভিড 19 ৰ সামাজিক সংক্ৰমণৰ আশংকা কৰা হৈছে ।
লগতে চাওক-তেজপুৰত ব্ৰহ্মপুত্ৰৰ বুকুত সন্ধানহীন বিবাহিত পুৰুষ
