চিৰাং,7 মে' : পশ্চিমবংগত বিজেপিৰ সমৰ্থকক দুৰ্বৃত্তই চলোৱা আক্ৰমণৰ ঘটনাই জোকাৰি গৈছে সমগ্ৰ দেশ । পশ্চিমবংগত একাংশ দুৰ্বৃত্তই সংঘটিত কৰা এনে নিন্দনীয় কাণ্ডৰ বিৰুদ্ধে এতিয়া সৰ্বত্ৰে চলিছে প্ৰতিবাদ । এইবাৰ ইয়াৰ প্ৰভাৱ পৰিছে অসমতো ৷ চিৰাং জিলাৰ বিজনীৰ বিজেপিৰ মানাস ছেৰফাং মণ্ডল কমিটিৰ সদস্যসকলে পশ্চিমবংগৰ এনে হিংসাত্মক ঘটনাৰ বিৰোধিতা কৰি প্ৰতিবাদ সাব্যস্ত কৰে ৷
উল্লেখ্য যে, পশ্চিমবংগত ৰাষ্ট্ৰপতিৰ শাসন প্ৰৱৰ্তনৰ দাবী উত্থাপন কৰি বৃহস্পতিবাৰে 2নং বিষ্ণুপুৰ বজাৰস্থিত মানাস ছেৰফাং মণ্ডল কমিটিয়ে নিৰ্বাচনী হিংসাৰ বিৰুদ্ধে দুঘণ্টীয়া অৱস্থান ধৰ্মঘট কাৰ্যসূচী ৰূপায়ণ কৰে ৷ সম্পূৰ্ণ ক'ভিড প্ৰট'কল মানি গ্ৰহণ কৰা প্ৰতিবাদী কাৰ্যসূচীৰ জৰিয়তে দুৰ্বৃত্তই চলোৱা আক্ৰমণৰ ঘটনাক তীব্ৰ গৰিহণা আৰু ধিক্কাৰ দিয়ে ।
লগতে পঢ়ক: নিৰ্বাচনী হিংসাৰ বলি হৈ কোকৰাঝাৰত আশ্ৰয় গ্ৰহণ পঃ বংগৰ 30 গৰাকী লোকৰ
