চিৰাং, 1 ফেব্ৰুৱাৰী : চিৰাং জিলাৰ বিজনীৰ মোনাকোশা কালিমন্দিৰ প্ৰাঙ্গনত বিটিচিৰ উপাধ্যক্ষ অবিৰাম মহানায়কক সম্বৰ্ধনা জনোৱা হয় । বিজনীৰ থুৰিবাৰী পৰিষদীয় সমষ্টিৰ পৰা নিৰ্বাচিত হোৱা অবিৰাম মহানায়কৰ সৈতে সম্বৰ্ধনা অনুষ্ঠানত বিটিচিৰ স্বাস্থ্য বিভাগৰ কাৰ্যবাহী সদস্য অৰূপ দে আৰু চিৰাং জিলা বিজেপিৰ সভাপতি বিপ্লৱ দেৱনাথো উপস্থিত থাকে ।
উক্ত অনুষ্ঠানত উপস্থিত থাকি স্বাস্থ্য বিভাগৰ কাৰ্যবাহী সদস্য অৰূপ দেই কয় যে, "কোনেও বিজেপিৰ কোনো ধৰণৰ ক্ষতি কৰিব নোৱাৰে । বিটিচিত বিপিএফ দলে বিজেপিয়ে একো কৰিব নোৱাৰে বুলি কৈছিল কিন্ত আজি বিটিচিত বিজেপিয়ে দখল কৰিলে । বিপিএফৰ অহংকাৰ শেষ হ‘ল; কেন্দ্ৰ,ৰাজ্যৰ লগতে বিটিচিতো বিজেপি আহিল । বিগত সময়ত বিপিএফৰ নেতৃত্বই কোনো উন্নয়ন কৰিব নোৱাৰিলে । সেয়ে আজি সকলো লোকে বিজেপি মুখী হৈছে । আমি বিটিচিৰ 12 টা বিধানসভা সমষ্টিৰ আমাৰ দখলত লব পাৰিম ৷ "
লগতে পঢ়ক: গুৱাহাটীৰ শ্বহীদ ন্যাস সন্মুখত মুখ্যমন্ত্ৰীৰ প্ৰতিকৃতি দাহ আছুৰ
