চিৰাং, 14 মাৰ্চঃ বি টি চিৰ নিৰ্বাচনৰ দিন ঘোষণা কৰাৰ লগে লগে সকলো ৰাজনৈতিক দল সৰৱ হৈ পৰিছে বিটিচিত ৷ এইবাৰ বি টি চি নিৰ্বাচনত প্ৰাৰ্থী থিয় কৰাব আৰ জে ডি (RJD) অৰ্থাৎ ৰাষ্ট্ৰীয় জনতা দলে ৷ বিটিচিৰ মুঠ ৪০ টা পৰিষদীয় সমষ্ঠিৰ কেইবাটাও বচা বচা সমষ্ঠিত প্ৰাৰ্থীত্বৰ দিয়াৰ পৰিকল্পনা কৰিছে দলটোৱে । শনিবাৰে গ্ৰেটাৰ বঙাইগাঁও প্ৰেছ ক্লাবত এক সংবাদ মেল সম্বোধন কৰি এই কথা প্ৰকাশ কৰে দলটিৰ ৰাজ্যিক কমিটীয়ে । সংবাদমেলত ৰাষ্ট্ৰীয় জনতা দলৰ ৰাজ্যিক সাধাৰণ সম্পাদক শ্যাম ৰাজ ৰাভাই কয় যে, বিটিচিৰ পৰিষদীয় নিৰ্বাচনত প্ৰতিদ্বন্দিতাৰ বাবে প্ৰাৰ্থী সকলৰ পৰা প্ৰাৰ্থিত্ব বিচাৰি আবেদনৰ আহ্বান কৰে । বি টি চিৰ পৰিষদীয় নিৰ্বাচন নিকা আৰু শান্তিপূৰ্ণ কৰাৰ আহ্বান কৰে সম্পাদকজনে ।
বিটিচিত কোনো দিনেই নাম নুশুনা এই ৰাষ্ট্ৰীয় জনতা দলে পৰিষদীয় নিৰ্বাচনত প্ৰতিদন্দিতাৰ বাবে প্ৰাৰ্থী সকলৰ পৰা আবেদন বিচাৰি এই দৰেই সংবাদ মেল অনুষ্ঠিত কৰা পৰিলক্ষিত হয় । অন্যান্য ৰাজনৈতিক দলত প্ৰাৰ্থীত্ব প্ৰত্যাশি লোকৰ ভিৰ হোৱা পৰিলক্ষিত হয় । কিন্ত এই দলৰ ক্ষেত্ৰত দেখা গ'ল ব্যাতিক্ৰম ব্যৱস্থা ৷
আৰু পঢ়ক COVID-19 : কৰ'ণা ভাইৰাছক লৈ ব্যৱস্থা গ্ৰহণ কৰিছে উত্তৰ পূব ৰেলৱে : জনসম্পর্কৰক্ষী বিষয়া
