চিৰাং, 31 আগষ্টঃ বঙাইগাঁৱত লজ্জাজনক ঘটনা । জিলা প্ৰাথমিক শিক্ষা বিষয়াৰ কাৰ্যালয়ৰ কৰ্মচাৰীক গ্ৰেপ্তাৰ । অভিযুক্ত কৰ্মচাৰীজনৰ নাম অৰূপ মেধি । শিক্ষা বিভাগৰ কৰ্মচাৰীজনে মহিলাক এগৰাকী ব্যক্তিগত ফটো ভাইৰেল কৰাৰ লগতে মহিলা গৰাকীক গাড়ীৰে খুন্দা মাৰি হত্যা কৰাৰ অভিযোগ ৷ ২৭ আগষ্টত মহিলা গৰাকীৰ আপত্তিজনক ফটো ৱাটছএপ ষ্টেটাচত আপলোড কৰাৰ অভিযোগ তাৰোপৰি মহিলা গৰাকীৰ পৰা আঢ়ৈ লাখ টকা দাবীৰ গুৰুতৰ অভিযোগ তোলে মহিলা গৰাকীয়ে ।
আনহাতে, ঘটনা সম্পৰ্কত বঙাইগাঁও সদৰ থানাত এজাহাৰ দাখিল কৰিছে মহিলা গৰাকীৰ স্বামীয়ে । অৰূপ মেধিৰ বিৰুদ্ধে বঙাইগাঁও সদৰ থানাত ৬৪৫/১৯ নম্বৰত গোচৰ পঞ্জীয়ন কৰে । গোচৰ পঞ্জীয়ন হৈছে ভাৰতীয় দণ্ডবিধিৰ অধীনৰ-৪১৭/৪২০/২৯৪/৩৫৪(এ)/৩৫৪(চি)/৩৮৭/৫০৬ ধাৰাত । সম্প্ৰতি আচামীজনক বঙাইগাঁও সদৰ থানাত জেৰা অব্যাহত ৰাখিছে আৰক্ষীয়ে । জিলা প্ৰাথমিক শিক্ষা বিভাগৰ কাৰ্যালয়ৰ গুৰুত্বপূৰ্ণ পদত কাৰ্যনিৰ্বাহ কৰা কৰ্মচাৰী এজনৰ এনে কাণ্ডত তীব্ৰ চাঞ্চল্যৰ সৃষ্টি কৰিছে বঙাইগাঁও সদৰ চহৰত ।
