বঙাইগাঁও , 14 এপ্ৰিল : বঙাইগাঁৱত আয়োজন কোঁচ ৰাজবংশী সকলৰ পৰম্পৰাগত বিষুৱা উৎসৱ৷ ৰঙালী বিহু উপলক্ষে কেন্দ্ৰীয় বিষুৱা উদযাপন সমিতিৰ উদ্যোগত দুদিনীয়া কাৰ্যসূচীৰে বঙাইগাঁৱত আয়োজন কৰা হৈছে বিষুৱা উৎসৱৰ৷
বঙাইগাঁৱত কোঁচ ৰাজবংশীৰ বিষুৱা উৎসৱ
গৰু বিহুৰ দিনা গৰুক গাঁ-ধুওৱা পৰ্ব সমাপ্ত কৰাৰ পাচতে পতাকা উত্তোলনেৰে আৰম্ভ কৰা হয় বিষুৱা উৎসৱৰ কাৰ্যসূচী ৷ জনগোষ্ঠীটোৰ হেৰুৱাই যাবলৈ ধৰা সংস্কৃতিক উদ্ধাৰ কৰাৰ উদ্দেশ্যৰেই বিষুৱা উৎসৱৰ আয়োজন কৰা বুলি জানিবলৈ দিয়ে আয়োজক সকলে৷ উদ্বোধনৰ পাচতে প্ৰাচীৰ পত্ৰিকা উন্মোচন আৰু গীত-নৃত্যৰ যোগেদি আগবঢ়াই নিয়া হয় অনুষ্ঠানটো ৷
