চিৰাং, 26 নৱেম্বৰ: চিৰাঙত মহিলা আৰু শিশু নিৰ্যাতন বিৰোধী সজাগতা অভিযান ৷ এটি বেচৰকাৰী সংস্থাৰ একক প্ৰচেষ্টাত 16 দিনীয়া কাৰ্যসূচীৰে চিৰাঙত পালন কৰা হৈছে সজাগতা অভিযান ৷ দিনে দিনে দেশত বাঢ়ি অহা নাৰী নিৰ্যাতন তথা শিশু নিৰ্যাতনকলৈ বিশেষ পদক্ষেপ গ্ৰহণ কৰি আহিছে, দি এন্টা নামৰ বেচৰকাৰী সংস্থাটোৱে ৷ চিত্ৰাংকণ প্ৰতিযোগিতা, সমদল, বাটৰ নাট, দলীয় আলোচনা আদিৰ জৰিয়তে কিশোৰ-কিশোৰী আৰু অভিভাৱক সকলৰ মাজত সজাগত সৃষ্টিৰ পদক্ষেপ গ্ৰহণ কৰে
শিশু, মহিলাৰ লগতে লিংগ বৈষম্যতা, হিংসা আৰু সমকামিতা আদি বিষয়ক লৈ সজাগতা বৃদ্ধি কৰাৰ প্ৰয়াস কৰিছে সংস্থাটোৱে ৷ মহিলা শক্তিক জাগ্ৰত কৰাৰ চেষ্টা অব্যাহত ৰাখি বেচৰকাৰী সংস্থাটোৱে বাল্য বিবাহ, যৌন আতিশায্য তথা মানসিক আৰু শাৰিৰীক অত্যাচাৰৰ বিৰুদ্ধে মাত মাতিবলৈ মহিলা সকলক আহ্বান জনাইছে ৷
মহামাৰী ক'ৰণাৰ সময়চোৱাত গৃহ হিংসাৰ লগতে শিশু যৌন নির্যাতনৰ হাৰ বৃদ্ধি পোৱা পৰিলক্ষিত হৈছে ৷ "দি এন্টা" নামৰ বেচৰকাৰী সংস্থাটোৱে চিৰাং জিলাৰ ৯খন গাঁৱত চলোৱা অভিযানত ইয়াৰ বিৰুদ্ধে সজাগ হোৱাৰ লগতে মহিলাসকলক বাল্য বিবাহ ৰোধৰ বাবে প্ৰতিজ্ঞাবদ্ধ হয় আৰু শপত গ্ৰহণ কৰায় ৷ বাল্য বিবাহ আৰু শিশু যৌন নিৰ্যাতনে কেনেকৈ শিশুৰ মানসিক আৰু শাৰিৰীক বিকাশত বাধাৰ সৃষ্টি কৰে তাৰ বিষয়ে বিতংভাৱে ৰাইজৰ মাজত আলোচনা কৰে ৷ এই কাৰ্যসূচীত প্ৰায় 689 গৰাকী মহিলাই সক্ৰিয়ভাৱে অংশগ্ৰহণ কৰে ৷
লগতে পঢ়ক:প্ৰাক্তন মুখ্যমন্ত্ৰী তৰুণ গগৈৰ চিতাভষ্ম নিয়া হ'ব ৰাজ্যৰ বিভিন্ন প্ৰান্তলৈ
