বজৰং দলৰ সম্পাদকক গ্ৰেপ্তাৰ কৰাক লৈ অভয়াপুৰীত উত্তপ্ত পৰিস্থিতি

আৰক্ষীক প্ৰহাৰৰ অভিযোগত বজৰং দলৰ বঙাইগাঁও জিলা সমিতিৰ সম্পাদক মৃদুল দাসক গ্ৰেপ্তাৰ কৰে অভয়াপুৰী আৰক্ষীয়ে । সম্পাদকজনক গ্ৰেপ্তাৰৰ পিচতেই অভয়াপুৰী থানা ঘেৰাও কৰি তীব্ৰ প্ৰতিবাদ সাব্যস্ত কৰে বজৰং দলৰ সদস্য সকলে ৷

চিৰাং,1 ডিচেম্বৰঃ আৰক্ষীক আক্ৰমণ কৰাৰ ঘটনাৰ লগত জড়িত থকাৰ অভিযোগত বঙাইগাঁও জিলাৰ বজৰং দলৰ জিলা সম্পাদক মৃদুল দাসক গ্ৰেপ্তাৰ কৰে অভয়াপুৰী আৰক্ষীয়ে। বজৰং দলৰ সম্পাদকজনক গ্ৰেপ্তাৰ কৰাক লৈ এতিয়া অভয়াপুৰীত উত্তপ্ত পৰিস্থিতিৰ সৃষ্টি হৈছে ।

বজৰং দলৰ সম্পাদকক গ্ৰেপ্তাৰ কৰাক লৈ অভয়াপুৰীত উত্তপ্ত পৰিস্থিতি

উল্লেখ্য যে, বজৰং দলৰ বঙাইগাঁও জিলা সমিতিৰ সম্পাদক মৃদুল দাসে যোৱা ২৮ নৱেম্বৰত এজন আৰক্ষী জোৱানক শাৰীৰিকভাৱে অপদস্ত কৰিছিল বুলি জানিবলৈ পোৱা গৈছে । আৰক্ষীক প্ৰহাৰ কৰাৰ অভিযোগৰ ভিত্তিত বঙাইগাঁও জিলা সমিতিৰ সম্পাদক মৃদুল দাসক অভয়াপুৰী আৰক্ষীয়ে আটক কৰে । জিলা সম্পাদকজনক গ্ৰেপ্তাৰৰ পিচতেই আজি বজৰং দলৰ সদস্য সকলে অভয়াপুৰী থানা ঘেৰাও কৰি তীব্ৰ প্ৰতিবাদ সাব্যস্ত কৰে ৷ অতি শীঘ্ৰে সম্পাদক জনক মুকলি কৰি দিবলৈ আৰক্ষীক আহ্বান জনাইছে বজৰং দলৰ সদস্য সকলে ৷ ইফালে পৰিস্থিতিত নিয়ন্ত্ৰণ কৰিবলৈ আৰক্ষী বাহিনী সষ্ঠম হোৱা দেখিবলৈ পোৱা গৈছে ৷

লগতে পঢ়ক- মানাহ ৰাষ্ট্ৰীয় উদ্যানলৈ সংৰক্ষণৰ উৎকৰ্ষকতাৰ বঁ‌টা