চিৰাং,20 এপ্ৰিল: কৰ'ণাৰ আতংকৰ বাবে ভাৰত চৰকাৰৰ নিৰ্দেশ মৰ্মে দেশজুৰি বাহাল আছে লক ডাউন ৷ যাৰ বাবে স্তব্ধ হৈ পৰিছে সমগ্ৰ বিশ্বৰ মানৱ জাতিৰ স্বাভাৱিক জনজীৱন ৷ ইয়াৰ লগে লগে বন্ধ হৈ পৰিছে হোটেল,ৰেষ্টুৰেন্টৰ লগতে হাট-বজাৰৰ লগতে সকলো অনুষ্ঠান প্ৰতিষ্ঠান ৷ ফলত তথৈবচ হৈ পৰিছে হোটেল,ৰেষ্টুৰেন্টবোৰৰ লগতে বিভিন্ন ঠাইত পেলনীয়া খাদ্য খাই জীয়াই থকা কুকুৰবোৰৰ অৱস্থা ৷
তেনে সময়তে বঙাইগাঁও জিলাৰ অভয়াপুৰীৰ “এনিমেল” নামৰ এটা স্বেচ্ছাসেৱী সংস্থাই লক ডাউন আৰম্ভ হোৱা দিনৰ পৰাই বাটে পথে ঘূৰি ফুৰা কুকুৰবোৰক যোগান ধৰি আহিছে খাদ্য ৷ কেৱল কুকুৰকে নহয়,লক ডাউনত ভক্তৰ আগমণ নোহোৱা মন্দিৰবোৰৰ পাৰ চৰাইবোৰকো খাদ্যৰ যোগান ধৰি আহিছে সংস্থাটোৱে ৷ ইয়াৰ জৰিয়তে স্বাভাৱিকতে মানৱীয়তাৰ এক উৎকৃষ্ট নিদৰ্শন দেখুৱাইছে এনিমেল নামৰ সংস্থাটোৱে ৷
একেদৰে চিৰাং জিলাৰ ভিন্ন প্ৰান্তত আৰক্ষীয়েও পথৰ কুকুৰৰ বাবে খাদ্য যোগান ধৰা পৰিলক্ষিত হৈছে ৷ চিৰাং জিলাৰ চিদলী থানাৰ ভাৰপ্ৰাপ্ত বিষয়া ৰিতুজ্যোতি নাথে নিজে বাটৰ কুকুৰক খাদ্য যোগান ধৰা কাৰ্যই প্ৰেৰণা যোগাইছে বহুজনক ৷
লগতে পঢ়কঃ শিলচৰত এগৰাকী আৰক্ষী বিষয়াৰ মহানুভৱতা
