মৰাণ, 26 নৱেম্বৰ : স্নাতকোত্তৰ পাঠ্যক্ৰমত অধ্যয়নৰত এজন মেধা সম্পন্ন যুৱক ৷ হঠাৎ এদিন যুৱকজনে নিষিদ্ধ ঘোষিত সংগঠন আলফা (স্বাধীন)ত যোগদান কৰাৰ সিদ্ধান্ত ল’লে (Post graduate student from Assam joined ULFA) ৷ এই সিদ্ধান্ত মৰ্মেই 2018 চনৰ 29 ডিচেম্বৰত সংগঠনটোৰ সৈতে জড়িত হৈ পৰিছিল চৰাইদেউ জিলাৰ বৰহাট লাকিলী অঞ্চলৰ অৰুণাভ গগৈ নামৰ উচ্চ শিক্ষিত যুৱকজন ৷
উল্লেখযোগ্য যে, স্নাতকোত্তৰ পাঠ্যক্ৰমত অধ্যয়ন কৰা সময়তে অৰুণাভে আলফা স্বাধীনত যোগদান কৰা এটা ভিডিঅ' চচিয়েল মিডিয়াত বহুলভাৱে প্ৰচাৰিত হৈছিল( viral video of Assam youth joining ULFA) । ইয়াৰ পিছতেই পৰিয়ালৰ সৈতে যোগাযোগ হেৰাই গৈছিল অৰুনাভ গগৈৰ ৷ শিক্ষক পিতৃ কুমুদ গগৈ আৰু মাতৃ ৰিমঝিম গগৈৰ জ্যেষ্ঠ সন্তান গৰাকী এইদৰে গুচি যোৱাত তেওঁক ঘৰলৈ উভতি আহিবলৈ বাৰম্বাৰ আহ্বান জনাইছিল পৰিয়ালৰ লোকে ।
কিন্তু অৰুনাভৰ কোনো ধৰণৰ খবৰ অহা নাছিল তেওঁৰ নিজৰ অথবা আলফা স্বাধীনৰ তৰফৰ পৰা ৷ শেহতীয়াকৈ আলফা স্বাধীনৰ লেফটেনেন্ট নিবাৰণ অসম ওৰফে সাগৰ ইংতিপি ওৰফে অৰুণাভ গগৈ সম্পৰ্কত পুনৰ সমুখলৈ আহিছে এক বিস্ফোৰক খবৰ ৷ অৰুণাভ গগৈ সন্দৰ্ভত আলোচনা হোৱা এটা বিতৰ্কিত অডিঅ’ ক্লিপে সৃষ্টি কৰিছে ব্যাপক চাঞ্চল্য ।
অতি শেহতীয়াকৈ পোহৰলৈ অহা এটা ফোন ৰেকৰ্ডিংৰ ফলত পুনৰ চৰ্চিত হৈছে অৰুণাভৰ অৱস্থান প্ৰসংগ ৷ এই কল ৰেকৰ্ডিংটোত অৰুণাভে শিবিৰ এৰি অহাৰ কথা স্পষ্ট হৈছে যদিও বৰ্তমানলৈ সন্ধান নাই অৰুণাভ অসমৰ । উল্লেখযোগ্য যে, কিছুদিনৰ পূৰ্বে অৰুণাভৰ মৃত্যু সম্পৰ্কে সামাজিক মাধ্যমত পোহৰলৈ আহিছিল এটা বাতৰি ৷
এই অনুসৰি, বৰ্তমানৰ পৰা প্ৰায় এবছৰ আগেয়ে জেনেৰেল পৰেশ অসমৰ নিৰ্দেশত মেজেৰ জেনেৰেল নয়ন অসমৰ উপস্থিতিত লেফটেনেন্ট নিবাৰণ অসমক মৃত্যুদণ্ড দিয়া হোৱা বুলি এক খবৰ পোৱা গৈছে । এই খবৰ অনুসৰি ম্যানমাৰস্থিত শিবিৰৰ পৰা পলায়নৰ চেষ্টা চলোৱাৰ অপৰাধত ম্যানমাৰৰ ডাইমণ্ড কেম্পত তেওঁক মৃত্যুদণ্ড দিয়া হোৱা বুলি সামাজিক মাধ্যমত সম্প্ৰতি ব্যাপক চৰ্চা চলিছিল(ULFA member killed in camp) । অৱশ্যে, এতিয়াও নিশ্চিত হোৱা নাই প্ৰকৃততে অৰুণাভ জীৱিত নে মৃত ৷
লগতে পঢ়ক : Extorting Money : ধমকি দি চান্দা সংগ্ৰহ কৰাৰ অভিযোগত আটক চাৰি ছাত্ৰ নেতা
