মৰাণ, 24 ডিচেম্বৰ : ভাৰতীয় নৌ সেনাৰ এগৰাকী কেপ্টেইনৰ বিৰুদ্ধে অভিযোগ উঠিছে পত্নীক হত্যা কৰাৰ (Navy officer accused of killing wife) ৷ চৰাইদেউ জিলাৰ সোণাৰিৰ জলহা বেটিজানত ইয়াকে লৈ সৃষ্টি হৈছে উত্তেজনাৰ ৷ হৰিশ থাপা নামৰ নৌ সেনাৰ বিষয়াগৰাকীৰ বিৰুদ্ধে উত্থাপন হৈছে পত্নী ইশা থাপাক হত্যা কৰাৰ অভিযোগ ৷
শ্ৰীলংকাত কৰ্মৰত ভাৰতীয় নৌ সেনাৰ বিষয়া হৰিশৰ পত্নীৰ মৃত্যু হৈছিল তেওঁৰ কৰ্মস্থলীতে (Isha Thapa died in Sri Lanka)৷ যোৱা শুকুৰবাৰেই মৃত্যু হৈছিল ইশাৰ ৷ এই ঘটনা পোহৰলৈ অহাৰ পাচত, বুধবাৰে সোণাৰিৰ জলহাৰ বেটিজানৰ হৰিশ থাপাৰ ঘৰত আহি উপস্থিত হয় ইশাৰ পৰিয়াল ৷
স্বামীৰ পৰিয়ালে ইশাই আত্মহত্যা কৰা বুলি সদৰী কৰাৰ বিপৰীতে ইশাৰ পিতৃৰ পৰিয়ালে এই ঘটনাক পৰিকল্পিত হত্যাকাণ্ড বুলি দাবী কৰিছে ৷
প্ৰায় দুবছৰ পূৰ্বে হৰিশৰ সৈতে বিবাহ পাশত আৱদ্ধ হৈছিল ইশা থাপা ৷ ইশাই কেতিয়াও আত্মহত্যাৰ দৰে ঘটনা সংঘটিত কৰিব নোৱাৰে বুলি দাবী কৰিছে পৰিয়ালৰ লোকে ৷ ইশাক পৰিকল্পিতভাৱে হত্যা কৰাৰ অভিযোগ তুলি স্বামী গৃহৰ চোতালতে অন্ত্যেষ্টিক্ৰিয়া সম্পন্ন কৰাৰ হুংকাৰ দিয়ে উত্তেজিত লোক সকলে ৷
ইতিমধ্যে এই ঘটনাক লৈ সৃষ্টি হৈছে ৰহস্যৰ ৷ ইশাৰ মৃত্যু কেনেকৈ হ’ল ? এয়া হত্যা নে আত্মহত্যা সেয়া এতিয়াই সঠিককৈ ক’ব পৰা হোৱা নাই ৷ স্বামীৰ পৰিয়ালেও কোনো প্ৰতিক্ৰিয়া ব্যক্ত কৰা নাই আৰক্ষীক ৷ ইতিমধ্যে ঘটনাস্থলীত মোতায়েন কৰা হৈছে আৰক্ষী ৷
লগতে পঢ়ক : Morigaon police firing: ৰজনীকান্তক গুলীওৱাৰ বিৱৰণ দিলে আৰক্ষী অধীক্ষকে
