শিৱসাগৰ, 21 মে’ : ড্ৰাগছ ক্ৰয় কৰিবলৈ আহি চৰাইদেউৰ সোণাৰি আৰক্ষীৰ জালত পৰিল দুই যুৱক । আটকাধীন যুৱকদ্বয়ৰ এজন অৰুণাচল প্ৰদেশৰ চিয়াং জিলাৰ আৰু এজন ধেমাজি জিলাৰ জোনাই লাইমেকুৰী অঞ্চলৰ । যুৱকদ্বয়ৰ নাম ৰিতু দয়ে (19, অৰুণাচল প্ৰদেশ) আৰু বিকি দলে (33,জোনাই) ।
জানিব পৰা মতে, চৰাইদেউ জিলাৰ অসম-নগালেণ্ড সীমান্তৰ নামতোলাত বুজন পৰিমাণৰ ড্ৰাগছ ক্ৰয় কৰি উভতি অহাৰ পথত আৰক্ষীৰ জালত পৰে যুৱকদ্বয় । সোণাৰি আৰক্ষীয়ে গোপন সূত্ৰৰ পমখেদি তালাছী চলাই সোণাৰিৰ জবকা বাগানৰ সমীপত যুৱকদ্বয়ৰ পৰা উদ্ধাৰ কৰিবলৈ সক্ষম হয় বুজন পৰিমাণৰ ড্ৰাগছ । ইতিমধ্যে, ড্ৰাগছ ক্ৰয় কৰিবলৈ অহা যুৱকদ্বয়ৰ পৰা WB 26 C 5582 নম্বৰৰ এখন বাহনো জব্দ কৰিছে আৰক্ষীয়ে ।
লগতে পঢ়ক :কৃষকলৈ দুৰাৱস্থা মাতিছে ক’ভিডৰ নতুন নিৰ্দেশনাইকৃষকলৈ দুৰাৱস্থা মাতিছে ক’ভিডৰ নতুন নিৰ্দেশনাই
