মৰাণ, 8 মে': ৰাজ্যত ক্ৰমাগতভাৱে বৃদ্ধি হৈ আছে ক’ভিড-19ৰ সংক্ৰমণ ৷ বৃদ্ধি পাইছে ক’ভিড-19ত আক্ৰান্তৰ সংখ্যা ৷ সমান্তৰালভাৱে চৰাইদেউ জিলাতো কাল ৰূপ ধাৰণ কৰিছে ক’ভিড-19ৰ সংক্ৰমণে ৷ ক'ভিড পৰিস্থিতিৰ বাবে চৰকাৰে নিৰ্ধাৰণ কৰা নিয়ম অনুসৰি চৰাইদেউ জিলাত ২ বজাৰ লগে লগেই সকলো দোকান,বজাৰ, ব্যৱসায় প্ৰতিষ্ঠান বন্ধ হৈ পৰিছে । বজাৰ বন্ধ হৈ পৰাৰ সুযোগ লৈ ব্যৱসায়ী সকলে অত্যাৱশ্যকীয় সামগ্ৰী সমূহৰ দাম বৃদ্ধি কৰা বুলি সাধাৰণ ৰাইজে অভিযোগ কৰিছিল ।
ইয়াৰ পাছতে ক'ভিড মহামাৰীয়ে সৃষ্টি কৰা পৰিস্থিতিৰ প্ৰতি লক্ষ্য ৰাখি চৰাইদেউ জিলা প্ৰশাসনে শুকুৰবাৰৰ পৰা কাৰ্যকৰী হোৱাকৈ অত্যাৱশ্যকীয় সামগ্ৰীৰ দৰ নিৰ্ধাৰণ কৰি দিছে । সান্ধ্য আইন আৰু বজাৰ বন্ধৰ সুযোগ লৈ যাতে কোনো ব্যৱসায়ীয়ে অত্যাৱশ্যকীয় সামগ্ৰীৰ মূল্যবৃদ্ধি কৰিব নোৱাৰে তাৰ প্ৰতি লক্ষ্য ৰাখি এই ব্যৱস্থা গ্ৰহণ কৰিছে প্ৰশাসনে ।
লগতে পঢ়ক : বাক্সাত খাদ্য সামগ্ৰীৰ আকাশলংঘী মূল্যবৃদ্ধি
