কাছাৰ,14 জানুৱাৰী: সমাগত আগন্তুক বিধানসভা নিৰ্বাচন ৷ ইয়াকে লৈ এতিয়া ৰাজনৈতিক দলসমূহৰ মাজত বৃদ্ধি পাইছে নিৰ্বাচনী তৎপৰতা আৰু আধাৰশিলা স্থাপনৰ চমক ৷ ইয়াৰ মাজতে ভোগালী বিহুৰ দিনটোতে কাছাৰ জিলাৰ বৰখলা বিধানসভা সমষ্টিৰ ডলু ময়নাৰবন্দৰৰ পৰা শাস্ত্ৰীনগৰ হৈ কঠালউলা পর্যন্ত পথটো নিৰ্মাণৰ বাবে আধাৰশিলা স্থাপন কৰে বৰখলা সমষ্টিৰ বিধায়ক কিশোৰ নাথে ৷ গড়কাপ্তানী বিভাগৰ অধীনত নিৰ্মাণ হ'বলগীয়া এই পথটোৰ বাবে ধাৰ্য কৰা হৈছে 1 কোটি, 92 লাখ, 1000 টকা ৷
পথ নিৰ্মাণৰ আধাৰশিলা স্থাপন কৰি অচিৰেই পথটো নিৰ্মাণৰ কাম আৰম্ভ হ'ব বুলি জনালে বিধায়কগৰাকীয়ে ৷ উক্ত আধাৰশিলা স্থাপন অনুষ্ঠানত উপস্থিত থাকে বৰখলাৰ বিজেপি মণ্ডল সভাপতি অৰিন্দম নাথ, মণ্ডল সাধাৰণ সম্পাদক অজিত দাস, সম্পাদক কল্লোলজিৎ চক্ৰৱৰ্তী, জিলা অবিচি মর্চাৰ সাধাৰণ সম্পাদক অমল নাথ সহ বহু কেইজন দলীয় কৰ্মী ৷
লগতে পঢ়কঃ কোকৰাঝাৰত আটক কেএলঅ’ৰ লিংকমেন
