কাছাৰ, 16 অক্টোবৰ: অসম-মিজোৰাম সীমান্তৰ ধলাই বনাঞ্চলৰ বিভিন্ন ঠাইত অভিযান চলাই বন বিভাগে কেইবা লাখ টকাৰ চেৰাই কাঠ আৰু ইলেকট্ৰিক কৰত জব্দ কৰিবলৈ সক্ষম হয়। হাওইথাং ফৰেষ্ট ৰেঞ্জৰ বিষ্ণুপুৰ-আনন্দখাল বনাঞ্চলত অভিযান চলোৱা সময়ত কেইবাটাও স্থানত গছ কটা প্ৰত্যক্ষ কৰে বন বিভাগৰ লোকসকলে ৷ পৰৱৰ্তী সময়ত উক্ত ঠাইসমূহৰ পৰা বহু পৰিমাণৰ চেৰাই কাঠ জব্দ কৰিবলৈ সক্ষম হয় বনবিভাগে ৷
বন বিভাগৰ অভিযান
উল্লেখ্য যে, উক্ত অভিযানত বন বিভাগে দেশী কৰত, গছ কটাৰ বাবে ব্যবহাৰ কৰা ৰচি, লোহাৰ শিকলি, এখন যন্ত্ৰ চালিত কৰত আৰু আন বহু সামগ্ৰী উদ্ধাৰ কৰিবলৈ সক্ষম হয়। আনহাতে ধলাই ৰেঞ্জৰ পুনিৰ হাওয়ৰ বনাঞ্চলটো অভিযান চলাই কেইবা লক্ষ টকাৰ চেৰাই কাঠ জব্দ কৰে।
