ধৰ্ষণৰ চেষ্টাঃ ৰঙাঘৰলৈ খোদ আৰক্ষী

সোণাই বিধানসভা সমষ্টিৰ উত্তৰ কৃষ্ণপুৰত সংঘটিত হয় এক শিহৰণকাৰী ঘটনা ৷ ঘৰত কোনো নথকাৰ সুযোগ গ্ৰহণ কৰি এগৰাকী আৰক্ষী জোৱানে ধৰ্ষণৰ চেষ্টা চলাই এগৰাকী নাবালিকাক ৷ অৱশেষত নাবালিকাৰ পিতৃৰ গোচৰৰ ভিত্তিত আৰক্ষীয়ে গ্ৰেপ্তাৰ কৰে আৰক্ষী জোৱান সঞ্জীৱক ৷

শিলচৰ,30 মাৰ্চঃ নাবালিকাক ধৰ্ষণৰ চেষ্টা চলোৱাৰ অভিযোগত কাছাৰত গ্ৰেপ্তাৰ হ’ল অসম আৰক্ষীৰ এজন জোৱান ৷ ঘটনা অনুসৰি , সঞ্জীৱ শুক্লবৈদ্য নামৰ জোৱানজনে শনিবাৰে দুপৰীয়া প্ৰতিবেশী নাবালিকা গৰাকী বিদ্যালয়ৰ পৰা অহাৰ পাচতেই ঘৰত কোনো নথকাৰ সুযোগ লৈ আতিশয্য চলোৱাৰ চেষ্টা চলাই সঞ্জীৱে ৷ ধৰ্ষণৰ চেষ্টা চলাওঁতে নাবালিকা গৰাকীয়ে চিঞৰ-বাখৰ কৰাত পলাই যায় আৰক্ষী জোৱান ৷ পাচত নাবালিকাগৰাকীৰ পিতৃয়ে ৰাঙ্গিৰখাড়ি আৰক্ষী চকীত সঞ্জীৱৰ বিৰুদ্ধে এক গোচৰ ৰুজু কৰাৰ পাচতেই আৰক্ষীয়ে গ্ৰেপ্তাৰ কৰে সঞ্জীৱক ৷