কাছাৰত বজ্ৰপাতত নিহত এজন

কাছাৰৰ বজ্ৰপাতত এজনৰ মৃত্যু হোৱাৰ লগতে আহত হৈছে এজন । ৰাতিপুৱা খেতিত ব্যস্ত থকাৰ সময়তে বজ্ৰ পৰাত কুটনৰ মৃত্যু হয় ।

কাছাৰ, ১ মে': কাছাৰৰ বৰখলা সমষ্টিৰ দূতপাতিল শিৱ নগৰত বজ্ৰপাতত এজন ব্যক্তিৰ মৃত্যু হোৱাৰ লগতে আন এজন গুৰুতৰভাৱে আহত হৈছে । মৃত ব্যক্তিজনৰ নাম কুটন নমঃসূদ্ৰ (৫৭) আৰু আহত জন অনাদি নমঃসূদ্ৰ (৪০) বুলি জানিব পৰা গৈছে ৷

ৰাতিপুৱা খেতিত ব্যস্ত থকাৰ সময়তে বজ্ৰ পৰাত কুটনৰ মৃত্যু হয় । এফালে গুৰুতৰভাৱে আহত অনাদি নমঃসূদ্ৰক স্থানীয় ৰাইজে উদ্ধাৰ কৰি চিকিৎসালয়লৈ প্ৰেৰণ কৰে ।