বৰ্ণাঢ্য কাৰ্যসূচীৰে বৰাক উপত্যকাত স্মৰণ মহাবীৰ লাচিতক

শিলচৰত লাচিত দিৱসৰ বৰ্ণাঢ্য আয়োজন ৷ অসমবাসীয়ে জন্মদিৱসত সোঁৱৰিলে দেশপ্ৰেম তথা সাহসৰ প্ৰতীক মহাবীৰ লাচিতক ৷

শিলচৰ, 24 নৱেম্বৰঃ আজি লাচিত দিৱস ৷ অসমৰ সৌৰ্য-বীৰ্যৰ প্ৰতীক মহাবীৰ লাচিতৰ আজি জন্মদিৱস ৷ সমগ্ৰ ৰাজ্যজুৰি সোঁৱৰণ দেশপ্ৰেম, সাহস, পৰিশ্ৰম, বুদ্ধি, সততা, কৰ্মনিষ্ঠাৰ প্ৰতীক জাতীয় বীৰ লাচিত বৰফুকনক ৷ শিলচৰত প্ৰথমবাৰৰ বাবে কেন্দ্ৰীয়ভাৱে উদযাপন লাচিত দিৱসৰ ৷ হিন্দু যুৱ ছাত্ৰ পৰিষদ আৰু সদৌ অসম বেংগলী হিন্দু এছ’চিয়েছন' (আভা) ৰ যুটীয়া উদ্যোগত শিলচৰৰ গান্ধীবাগ পথাৰত বিস্তৃত কাৰ্যসূচীৰে উদযাপন কৰা হৈছে লাচিত দিৱসৰ ৷

এই অনুষ্ঠানত মুখ্য অতিথি হিচাপে উপস্থিত থাকে মাজুলীৰ দক্ষিণপাট সত্ৰৰ সত্ৰাধিকাৰ জনাৰ্দ্দন দেৱ গোস্বামী ৷ বীৰ লাচিতৰ প্ৰতি শ্ৰদ্ধা জ্ঞাপন কৰি বন্তি প্ৰজ্বলন কৰে জ্যেষ্ঠ বিজেপি নেতা কবীন্দ্ৰ পুৰকায়স্থ, শিলচৰৰ বিধায়ক দিলীপ কুমাৰ পাল আৰু আয়োজক সংগঠন দুটাৰ কৰ্মকৰ্তাসকলে ৷ শিলচৰ ডিএছএ'ৰ পৰা বিভিন্ন জাতি জনগোষ্ঠীৰ লোকসকলে সাংস্কৃতিক শোভাযাত্ৰাত অংশগ্ৰহণ কৰে ৷

আৰু পঢ়কঃ নাগৰিকত্ব সংশোধনী বিধেয়কৰ প্ৰতিবাদ আপচুৰ