কাছাৰ, 9 জুলাইঃ গাফিলতিয়ে লগ এৰা নাই শক্তি বিভাগক ৷ বিশ্বনাথত কৰ্মৰত অৱস্থাত বিদ্যুৎ পৰিবাহী তাঁৰত লাগি এজন বিদ্যুৎ কৰ্মীৰ মৃত্যু হোৱাৰ পাছত কালি নিশা পুনৰ কাছাৰৰ বৰখলাত সংঘটিত হৈছে অনুৰূপ ঘটনা ৷ ঘটনা অনুসৰি বদৰ উদ্দিন নামৰ এগৰাকী অস্থায়ী বিদ্যুৎ কৰ্মীয়ে কম উচ্চতাত থকা 11 হাজাৰ ভল্টৰ বিদ্যুৎ পৰিবাহী তাঁৰত কাম কৰি থাকোতেই হঠাৎ তাঁৰডালেদি বিদ্যুৎ প্ৰৱাহ হোৱাত ব্যক্তি জনৰ মৃত্যু হয় ৷ শক্তি বিভাগৰ গাফিলতিৰ বাবেই এনেদৰে ব্যক্তি জনৰ মৃত্যু হোৱা বুলি স্থানীয় ৰাইজে অভিযোগ কৰিছে ৷ লগতে শক্তি বিভাগৰ এনে কাণ্ডজ্ঞানহীনতাৰ বাবে আৰু কিমান লোকৰ মৃত্যু হ'ব লাগিব বুলিও ক্ষোভ প্ৰকাশ কৰিছে স্থানীয় ৰাইজে ৷
বিদ্যুৎ পৰিবাহী তাঁৰত লাগি বিদ্যুৎ কৰ্মীৰ মৃত্যু
