শিলচৰ , 18 মে': শুকুৰবাৰে কাছাৰত আৰক্ষীয়ে বাৰ্মিজ চুপাৰি ভৰ্তি দুখন ট্ৰাক জব্দ কৰে ৷ এক গোপন সূত্ৰৰ পম খেদি আৰক্ষীয়ে অসম মিজোৰাম সীমান্তৰ লায়লাপুৰত চুপাৰি ভৰ্তি ট্ৰাক দুখন জব্দ কৰে ৷
কাছাৰত জব্দ দুখন বাৰমিজ চুপাৰি ভৰ্তি ট্ৰাক
জানিব পৰা মতে UP-78-FN-6424 আৰু UP-78-FN-2511 নম্বৰৰ চুপাৰি ভৰ্তি ট্ৰাক দুয়োখন মিজোৰামৰ পৰা কানপুৰলৈ গৈ থকা পথত আৰক্ষীয়ে জব্দ কৰে ৷ আৰক্ষীয়ে ট্ৰাক দুখনৰ পৰা 249 বস্তা চুপাৰি জব্দ কৰাৰ লগতে দুই ট্ৰাক চালকক আটক কৰে ৷ পৰৱৰ্তী সময়ত আৰক্ষীয়ে ট্ৰাক দুখন সীমা শুল্ক ভিভাগৰ হাতত গতাই দিয়ে ৷ উল্লেখ্য যে, জব্দকৃত 249 বস্তা বাৰ্মিজ চুপাৰিৰ বজাৰৰ মূল্য প্ৰায় 55 লাখ টকা বুলি জানিব পাৰা গৈছে ৷
