কাছাৰ, 14 অক্টোবৰ: দেওবাৰে কাছাৰ জিলাৰ উধাৰবন্দৰ ঝাপিৰবন্দৰত আটক এজন ড্ৰাগছ মাফিয়া ৷ গোপন সূত্ৰৰ খবৰৰ ভিত্তিত আৰক্ষীয়ে অভিযান চলাই আটক কৰে চামছুল আলম নামৰ ড্ৰাগছ ব্যৱসায়ীজনক। জানিব পৰা মতে ড্ৰাগছ মাফিয়াজনৰ ঘৰ বাংলাদেশৰ দিনাজপুৰ জিলাৰ গোৰাঘাট থানাৰ অন্তৰ্গত আফচৰ গাঁৱত।
উল্লেখ্য যে চামছুল আলমৰ পৰা আৰক্ষীয়ে ৩৪ টা টিউব আৰু ৩.৩০ গ্ৰামৰ সন্দেহজনক ব্ৰাউন চুগাৰ জব্দ কৰে ৷ আৰক্ষীয়ে চামছুলক সোধপোছ কৰাৰ পিচত সোনাইৰ ধনেহৰিৰ পৰা অন্য দুই ড্ৰাগছ মাফিয়া চাহানুৰ হুছেইন আৰু ৰামনগৰৰ পৰা চিৰাজুল হক লস্কৰক আটক কৰে। আৰক্ষীয়ে তেওঁলোকৰ পৰা ৩৯,০০০ টকা উদ্ধাৰ কৰে ৷
