উত্তৰ অভয়াপুৰী, ১৯মে': বঙাইগাঁও জিলাৰ মানিকপুৰ শিক্ষা খণ্ডৰ অন্তৰ্গত ৮৪৭ নং গেৰুকাবাৰী প্ৰাথমিক বিদ্যালয়ৰ প্ৰধান শিক্ষক শ্ৰী ৰতন চন্দ্ৰ দাসৰ বিৰুদ্ধে কণ কণ ছাত্ৰীৰ যৌন নিৰ্যাতনৰ এক গুৰুতৰ অভিযোগ । লগতে মুখ খুলিলে ছাত্ৰীক প্ৰাণে মৰাৰ ভাবুকি প্ৰধান শিক্ষকগৰাকীৰ । পাঠদান কৰাৰ সময়ৰ লগতে একাংশক ছাত্ৰীক পলমকৈ ছুটী দি নিৰ্যাতন চলাই অহাৰ অভিযোগ উঠিছে শিক্ষকগৰাকীৰ বিৰুদ্ধে ৷ তাৰোপৰি মুখ খুলিলে ঘৰত গৈ ছাত্ৰীক মাৰি পেলোৱাৰ ভাবুকিও প্ৰদান কৰে প্ৰধান শিক্ষকজনে ৷
অৱশেষত শনিবাৰে অভিভাৱক সকল একগোট হৈ বিদ্যালয়ত উপস্থিত হৈ কণ কণ ছাত্ৰী সকলৰ অভিযোগ মৰ্মে সংবাদ মাধ্যমৰ আগত অভিযোগ উত্থাপন কৰে ৷ অতি শীঘ্ৰেই শিক্ষকগৰাকীক নিলম্বনৰ দাবী অভিভাৱক সকলৰ । উল্লেখ্য যে, ঘটনা সন্দৰ্ভত সদৌ বিটিচি বেংগলী যুৱ ছাত্ৰ ফেডাৰেছনেও তীব্ৰ ভাষাৰে গৰিহণা জনায় আৰু ছাত্ৰ-ছাত্ৰীৰ ভৱিষ্যতক লৈ হেতালী খেলা প্ৰধান শিক্ষকগৰাকীক অতি শীঘ্ৰেই চাকৰিৰ পৰা নিলম্বনৰ দাবী ছাত্ৰ ফেডাৰেছৰ সদস্যসকলে ৷
