বঙাইগাঁও, 31 জুলাই: উন্নয়নৰ শ্ল’গানেৰে দিছপুৰৰ গাদী দখল কৰা বিজেপি চৰকাৰখনৰ উন্নয়নৰ ফোঁপোলা স্বৰূপ ৷ উন্নয়নৰ জয়গান গোৱা বিজেপি চৰকাৰৰ দিনতে বঙাইগাঁও জিলাৰ উত্তৰ অভয়াপুৰী বিধান সভা সমষ্টিৰ, সৃজনগ্ৰাম উন্নয়ন খণ্ডৰ এটা পথে এতিয়া বাৰুকৈয়ে জলাকলা খুৱাইছে গঞা ৰাইজক (Poor Road Condition in Bangaigaon) ৷
এজাক বৰষুণতে জৰাজীৰ্ণ ৰূপ ধাৰণ কৰা এই পথটো এতিয়া যাতায়াতৰ বাবে অনুপযোগী হৈ পৰিছে ৷ জনস্বাস্থ্য কাৰিকৰী বিভাগৰ অমনোযোগিতাৰ বাবে বিধস্ত হৈ পৰা এই কদৰ্যময় পথেৰেই দীৰ্ঘদিন ধৰি স্কুল, কলেজ, কৰ্মস্থানলৈ দৈনিক অহা যোৱা কৰি আহিছে ৰাইজে ।
ফলত যাতায়াতৰ ক্ষেত্ৰত দীৰ্ঘদিনে দুৰ্ভোগ ভুগি আহিছে এই অঞ্চলটোৰ সাধাৰণ জনতাই । পিছে এটা পথেই নহয় কেইবাখনো গাঁও ক্ৰমে কোকিলা, মাত্ৰাগোলা, জপিয়া, কীৰ্ত্তনপাৰা, চাকলা নাম্বাৰপাৰা, গোলা-পাৰা বাংলা-পাৰা আদি গাঁওসমূহৰ ৰাস্তা ঘাটবোৰো অলপ বৰষুণতে বিধ্বস্ত হৈ পৰে ৷
সমষ্টিটোৰ বিধায়কক এই বিষয়ত বাৰম্বাৰ অনুৰোধ জনোৱাৰ পিছতো ইয়াৰ মেৰামতিৰ বাবে চৰকাৰে কোনো ব্যৱস্থা লোৱা নাই বুলি অভিযোগ উত্থাপন কৰে স্থানীয় ৰাইজে (Poor Road Condition angers Public in Bangaigaon) । পুনৰ বাৰিষাত সম্পূৰ্ণ পথবোৰ নৈত জাহ যোৱালৈ অপেক্ষা নেকি চৰকাৰৰ ? এইদৰে বঙাইগাঁও জিলা প্ৰশাসন আৰু চৰকাৰক প্ৰশ্ন উত্থাপন কৰি শীঘ্ৰেই এই জৰাজীৰ্ণ পথকেইটা যাতায়তৰ বাবে সুচল কৰি তুলিবলৈ অনুৰোধ জনাইছে অঞ্চলটোৰ গঞা ৰাইজে ৷
লগতে পঢ়ক: Nirmala Mishra passes away: ‘‘কি নাম দি মাতিম’’ বুলি সুধিবলৈ গায়িকা নিৰ্মলা মিশ্ৰ আৰু নাই
