বঙাইগাঁও, 18 জুলাই : বঙাইগাঁও জিলা উপায়ুক্ত কাৰ্যালয়ত শনিবাৰে বিয়লি ক’ভিড-১৯ত আক্ৰান্ত হৈ স্বামী হেৰুওৱা বিধৱা মহিলা সকলক মুখ্যমন্ত্ৰীৰ সাহাৰ্য আঁচনিৰ চেক বিতৰণ কৰে মন্ত্ৰী ৰঞ্জিত কুমাৰ দাসে । অসম চৰকাৰৰ কভিড মহামাৰীত স্বামীহাৰা মহিলালৈ মুখ্যমন্ত্ৰীৰ বিশেষ সাহাৰ্য আঁচনি(Chief Minister Covid 19 Widows Support Scheme)ৰ লগত সংগতি ৰাখি বঙাইগাঁও জিলা উপায়ুক্তৰ কাৰ্যালয়ৰ সভাকক্ষত আয়োজিত হয় এই অনুষ্ঠান ৷ অনুষ্ঠানটোত ২৭ গৰাকী বিধৱা মহিলাক চেক বিতৰণ কৰা হয় ।
অনুষ্ঠানটো বঙাইগাঁও জিলাৰ উপায়ুক্ত ড৹ এমএছ লক্ষ্মীপ্ৰিয়াৰ সঞ্চালনাত অনুষ্ঠিত হয় ৷ অনুষ্ঠানটোত মন্ত্ৰী ৰঞ্জিত কুমাৰ দাস (minister Ranjit Das) জিলাখনৰ অভিভাৱক মন্ত্ৰী হিচাপে উপস্থিত থকাৰ উপৰি বঙাইগাঁও বিধানসভা সমষ্টিৰ বিধায়ক ফণী ভূষণ চৌধুৰীও উপস্থিত আছিল । অনুষ্ঠানটোত উপস্থিত হৈ সাংবাদিকৰ সমুখত মন্ত্ৰী গৰাকীয়ে কেইবাটাও গুৰুত্বপূৰ্ণ মন্তব্য কৰে ৷ মূল্যবৃদ্ধি সম্পৰ্কে মন্তব্য কৰি ৰণজিৎ দাসে কয়, মূল্যবৃদ্ধি সকলোতে হৈছে । পেট্ৰ’ল, ডিজেলৰ দাম আন্তৰাষ্ট্ৰীয় বজাৰতো বাঢ়িছে ।
অত্যাৱশ্যকীয় সামগ্ৰীৰ দাম দেশৰ বেলেগ প্ৰদেশৰ তুলনাত অসমত কম বুলিও মন্তব্য মন্ত্ৰী ৰণজিৎ দাসে কয়, অতিপাত মূল্যবৃদ্ধি হোৱা নাই অসমত ।
অসম বিজেপি (BJP)ৰ এগৰাকী প্ৰভাৱশালী নেতা হিচাপেও দলটোৰ ৰাজনৈতিক স্থিতি সন্দৰ্ভত শনিবাৰে কেতবোৰ গুৰুত্বপূৰ্ণ মন্তব্য কৰে ৰণজিৎ দাসে ৷ তেওঁ কয় যে, বিপিএফ(BPF) আহিলে ইউপিপিএল (UPPL) দল নোহোৱা হ’ব গতিকে, বিপিএফৰ লগত মিত্ৰতা নিৰ্ভৰ কৰিব ইউ পিপিএলৰ সংকেতৰ ওপৰত । ইউপিপিএলে বিচাৰিলেহে বিপিএফৰ লগত মিত্ৰতা হ’ব । জিএছপি (GSP) দলৰ সৈতে বিজেপিৰ বিধানসভা নিৰ্বাচনত মিত্ৰতা নাছিল বুলি মন্তব্য কৰি উপ নিৰ্বাচন(By election)ৰ পূৰ্বে মিত্ৰতা সন্দৰ্ভত আলোচনা হ’ব বুলি মন্তব্য কৰে ৰণজিৎ দাসে ।
লগতে পঢ়ক : Tokyo olympic ত ক’ত কেনেকৈ জিলিকিব উত্তৰ-পূৱৰ খেলুৱৈ
