অভয়াপুৰী, 26 জুলাই : বঙাইগাঁৱৰ উত্তৰ অভয়াপুৰী সমষ্টিৰ ১ নং কাহিবাৰীত আই নদীৰ খহনীয়াৰ কালৰূপে গাঁওবাসীৰ মাজত সৃষ্টি কৰিছে আতংকময় পৰিৱেশৰ । বান কমি যোৱাৰ লগে লগে এইবাৰ চপৰা চপৰে খহিছে নৈৰ গৰা । ইতিমধ্যে নৈত জাহ গৈছে ১৫ টা পৰিয়ালৰ ভেটি মাটি, পুখুৰী, তামোল আৰু বাঁহৰ বাগান । খহনীয়াৰ ভাবুকিত গাঁওখনৰ কেইবাটাও পৰিয়ালে ঘৰ-দুৱাৰ ভাঙি নিৰাপদ স্থানলৈ ঢাপলি কৰিছে । ইপিনে খহনীয়া প্ৰতিৰোধ নকৰিলে কাহিবাৰী গাঁৱৰ আন বহুকেইটা পৰিয়াল খহনীয়াৰ ভাবুকিৰ সন্মুখীন হোৱাৰ পূৰ্ণ সম্ভাৱনাই দেখা দিছে ৷
আই নদীৰ খহনীয়াৰ কালৰূপ
