বঙাইগাঁও,9 মাৰ্চঃ বঙাইগাঁও জিলাৰ অভয়াপুৰীত চাঞ্চল্যকৰ ঘটনা । দৌল উৎসৱৰ দিনা ৰাতিপুৱাই উদ্ধাৰ এগৰাকী আৰক্ষী জোৱানৰ মৃতদেহ । অভয়াপুৰীৰ সোণাখুলীত পথৰ দাঁতিত উদ্ধাৰ আৰক্ষী জোৱানজনৰ মৃতদেহ । মূৰত চোকা অস্ত্ৰৰ আক্ৰমণৰ চিন থকাৰ লগতে মৃতদেহটোৰ কাষতে উদ্ধাৰ এডাল লোৰ ৰ'ড ৷ জানিব পৰা মতে , মৃতদেহটো অভয়াপুৰীৰ বৰিগাঁওৰ কৰুনা ৰায় নামৰ এজন আৰক্ষী জোৱানৰ ৷ ইতিমধ্যে ঘটনাস্থলীত আৰক্ষীৰ উচ্চ পদস্থ বিষয়া উপস্থিত হৈ ঘটনাটো সন্দৰ্ভত তদন্ত আৰম্ভ কৰিছে ৷ ইফালে জোৱানজনক অপহৰণ কৰি এনেদৰে হত্যাৰ সন্দেহ একাংশৰ ৷ অৱশ্যে সমগ্ৰ ঘটনাটো বৰ্তমান সোমাই পৰিছে ৰহস্যৰ আৱৰ্তত ৷
দৌল উৎসৱৰ দিনা পুৱাই বঙাইগাঁৱত উদ্ধাৰ আৰক্ষী জোৱানৰ মৃতদেহ
