বঙাইগাঁও, 7 ডিচেম্বৰঃ বঙাইগাঁও জিলাৰ উত্তৰ অভয়াপুৰীত মৰণক শৰণ দি ভগা বাঁহৰ দলঙেৰে যাত্ৰা পথচাৰীৰ । বাৰিষা আহিলেই পাঠ গ্ৰহণৰ পৰা বঞ্চিত হয় অঞ্চলটোৰ স্কুলীয়া ছাত্ৰ-ছাত্ৰী ৷
বঙাইগাঁও জিলাৰ উত্তৰ অভয়াপুৰী সমষ্টিৰ পোকালাগী নদীৰ ওপৰত শৌলমাৰীত ৰাইজে দীৰ্ঘদিন ধৰি বিপদ সংকুলভাৱে বাঁহৰ সাঁকোৰে যাতায়ত অব্যাহত ৰাখিছে । স্থানীয় ৰাইজে প্ৰতিবছৰে নিজ খৰচত দুবাৰকৈ বাঁহৰ সাঁকো নিৰ্মাণ কৰি যাতায়ত কৰিবলগীয়া হৈছে। প্ৰায় ১৫-২০খন গাওঁৰ ৰাইজৰ লগতে ৮-১০ খন স্কুল-কলেজৰ ছাত্ৰ ছাত্ৰীয়ে নিতৌ অহাযোৱা কৰিব লগীয়া হৈছে এইখন জৰাজীৰ্ণ বাঁহৰ দলঙৰে ।
নিৰ্বাচনৰ সময়ত দলংখন পকী কৰি দিয়াৰ প্ৰতিশ্ৰুতি দিয়ে যদিও নিৰ্বাচনৰ পিছত খবৰ লবলৈ সময় নাপায় জনপ্ৰতিনিধিয়ে । দীৰ্ঘ দিন ধৰি চৰকাৰ তথা প্ৰশাসনক দলং খন নিৰ্মাণ কৰি দিবলৈ আহ্বান কৰি আহিছে যদিও এতিয়ালৈ কোনো পদক্ষেপ নোলোৱাৰ অভিযোগ স্থানীয় ৰাইজৰ ৷ অতি শীঘ্ৰে উক্ত পথটোত এখন পকী দলং নিৰ্মাণ কৰি দিবলৈ চৰকাৰ তথা স্থানীয় জন প্ৰতিনিধিক আহ্বান জনাইছে ৰাইজৰ লগতে বিভিন্ন দল সংঘঠনে ৷
লগতে পঢ়ক - অসমীয়া হিচাপে সাহস দেখুৱাক সৰ্বানন্দ সোণোৱালে !
