বঙাইগাঁও,8 ডিচেম্বৰঃ ৰাজ্যৰ জলসম্পদ বিভাগ এতিয়া একাংশ ঠিকাদাৰৰ বাবে টকা ঘটাৰ বিভাগ হৈ পৰাৰ অভিযোগ উঠিছে ৷ জলসম্পদ বিভাগৰ তেনে এক ভয়ংকৰ দুৰ্নীতি পোহৰলৈ আহিছে বঙাইগাঁও জিলাৰ সৃজনগ্ৰাম আমগুৰি সস্তৰত ৷ জলসম্পদ বিভাগৰ আঁচনি ৰূপায়ণ অৰ্থাৎ মাটিৰে মথাউৰি নিৰ্মাণৰ বাবদ ধাৰ্য হোৱা ৯৬ লাখ টকাৰ আঁচনিত ব্যাপক দুৰ্নীতি সংঘটিত কৰাৰ অভিযোগ আনিছে গাঁওবাসীয়ে ৷
উল্লেখযোগ্য যে, আঁচনি খনৰ প্ৰকল্প অনুসৰি আমগুৰি সস্তৰত ৪০০ মিটাৰ এটা নতুন মথাউৰি, ৫০০ মিটাৰ মেৰামতি, এটা কালভাৰ্টসহ, এটা উন্নতমানৰ শ্লুইচগেট, পুৰণি মথাউৰিৰ সম্পূৰ্ণ গছ-গছনি হাবি-জংঘল পৰিস্কাৰ কৰা, মথাউৰিৰ মাটিবোৰ সমান কৰি টাৰপিন দিয়াৰ কথা আছিল যদিও ৯৬ লাখ টকাৰ কামৰ ২৫ শতাংশও কাম নোহোৱাৰ অভিযোগ উত্থাপন কৰিছে গাঁওবাসীয়ে ৷
ইপিনে নতুন মথাউৰিৰ নামত পুৰণি ৰিং বান্ধ এটাৰ ওপৰতে মাটি পেলাই নতুন মথাউৰি বনাইছে জলসিঞ্চন বিভাগে ৷ আনহাতে পুৰণি মথাউৰি নিৰ্মাণৰ নামত মাত্ৰ মাটি পেলাই কাম কৰাৰ অভিযোগ গাঁওবাসীৰ ৷ তাৰ সমান্তৰল ভাৱে প্ৰাককলন মতে মথাউৰিটো ৪.৫ মিটাৰ বহল হ’ব লাগে যদিও অধিকাংশ ঠাইতে বহল কম হোৱা বুলি উল্লেখ কৰিছে স্থানীয় ৰাইজে ৷
লগতে পঢ়কঃ আজাৰা আৰক্ষীৰ জালত দুই চোৰ
