এখন বাঁহৰ দলং আৰু এজন অন্ধ বিধায়ক

স্বাধীনতাৰ ৭৩ বছৰ অতিক্ৰম কৰাৰ পিছত ৰাজ্য চৰকাৰৰ উদ্যোগত চলি থকা উন্নয়নৰ ধাৰাটো আৰু অধিক শক্তিশালী হৈছে অঞ্চলটোত ৷ বাঁহৰ দলঙেৰে বিপদজনক যাত্ৰা অব্যাহত ৰখা অঞ্চলটোৰ ৰাইজে জনোৱা স্থানীয় বিধায়ক আব্দুল হাই নাগৰীক বহুবাৰ আবেদন নিবেদন জনোৱা হৈছিল যদিও তেখেতৰ আশীৰ্বাদতে আজিও অঞ্চলটোৰ ৰাইজে নাপালে এখন কাঠৰ দলং ৷

বঙাইগাঁও, 23 জানুৱাৰীঃ ৫০০ মিটাৰ দৈৰ্ঘৰ এখন বাঁহৰ দলং এজন অন্ধ বিধায়কৰ কৰুণ কাহিনী ৷ আমি কোৱা দলংখনৰ এটা দৃশ্যই আপোনাক শিহৰিত কৰি তুলিব ৷ পদে পদে বিপদৰ আশংকা ৷ বাঁহৰ দলং খনে এফালে যদি ৰাইজক সকাহ দিছে আনফালে প্ৰতিমূহুৰ্ততে ঘনীভূত হৈছে ভয়ানক বিপদৰ আশংকা ৷ স্থানীয় ৰাইজে সজা দুৰ্বল দলং খনৰ ওপৰেদি প্ৰতি দিনে পাৰ কৰোৱা হয় অত্যাধিক ওজনৰ চাৰিচকীয়া গাড়ী ৷ যিকোনো মূহুৰ্তত দলং খন ভাঙি বাহনসহ চালক নদীত পৰাৰ সম্ভাৱনাই অধিক ৷

ৰাইজে সজা বাঁহৰ দলং

বঙাইগাওঁ জিলাৰ সৃজনগ্ৰাম উন্নয়ন খণ্ডৰ অন্তৰ্গত নাৰাৰভিটাত থকা এই দলং খনৰ ওপৰত ভয়ানক দুৰ্ঘটনা সংঘটিত হোৱাৰ আশংকা কৰা হৈছে ৷ বঙাইগাঁৱৰ লাংলা,কীৰ্ত্তন পাৰা-অভয়াপুৰী সংযোগী পথৰ মানাহ নদীৰ ওপৰত থকা জৰাজীৰ্ণ দলং খনেই একমাত্ৰ ভৰষা অঞ্চলটোৰ ৰাইজৰ ৷ স্বাধীনতাৰ ৭৩ বছৰ অতিক্ৰম কৰাৰ পিছত ৰাজ্য চৰকাৰৰ উদ্যোগত চলি থকা উন্নয়নৰ ধাৰাটো আৰু অধিক শক্তিশালী হৈছে অঞ্চলটোত ৷ বাঁহৰ দলঙেৰে বিপদজনক যাত্ৰা অব্যাহত ৰখা অঞ্চলটোৰ ৰাইজে জনোৱা স্থানীয় বিধায়ক আব্দুল হাই নাগৰীক বহুবাৰ আবেদন নিবেদন জনোৱা হৈছিল যদিও তেখেতৰ আশীৰ্বাদতে আজিও অঞ্চলটোৰ ৰাইজে নাপালে এখন কাঠৰ দলং ৷

স্থানীয় এজন লোকৰ প্ৰচেষ্টাত ৫০০ মিটাৰ এখন বাঁহৰ সাঁকো নিৰ্মাণ কৰি যাতায়তৰ ব্যৱস্থা কৰা হৈছে যদিও প্ৰতিজন ব্যক্তি পাৰ হওতে ১০ টকা,বাইক পাৰ কৰিলে ২০ টকা আৰু চাৰিচকীয়া বাহন পাৰ হ'লে ৫০ টকা আদায় দিব লাগে। সেয়ে নাই মোমাইতকৈ কণা মোমায়েই বিচাৰিছে অঞ্চলটোৰ ৰাইজে ৷ তেওঁলোকক পকাৰ দলং নহয়,কাঠৰ দলং এখন হ' লেও ব্যৱস্থা কৰি দিবলৈ অনুৰোধ জনাইছে চৰকাৰক ৷ কাৰণ স্থানীয় বিধায়ক আব্দুল হাই নাগৰী অন্ধ বুলি জনাইছে ৰাইজে ৷

লগতে চাওকঃহুবলীঃ দেশৰ ৰাষ্ট্ৰীয় পতাকা প্ৰস্তুতকাৰী একমাত্ৰ চৰকাৰী কেন্দ্ৰ