বঙাইগাঁও, 19 জুলাই : বঙাইগাঁও জিলাৰ বইটামাৰী সংহত শিশু উন্নয়ন সেৱা প্ৰকল্পত সংগঠিত হৈছে ব্যাপক দুৰ্নীতিৰ অভিযোগ । শিশু উন্নয়ন প্ৰকল্প বিষয়া ভাৰতী কলিতাই শিশু খাদ্যৰ বাবে আৱন্টন হোৱা ধনৰ ২০ৰ পৰা ২৫ শতাংশ কমিচন লোৱাৰ অভিযোগ উত্থাপন হৈছে (Allegation against CDPO of Bongaigaon for Corruption) ।
অভিযোগ অনুসৰি, বিয়ষাগৰাকীয়ে দুজন ছুপাৰভাইজাৰৰ সহযোগত সংঘটিত কৰিছে ব্যাপক দুৰ্নীতি । প্ৰতিজন অংগনবাড়ী কৰ্মীৰ পৰা বিষয়াগৰাকীয়ে শিশু খাদ্যৰ বাবে আৱন্টন হোৱা ধনৰ ২০ৰ পৰা ২৫ শতাংশ কমিচন লোৱাৰ অভিযোগ উত্থাপন হৈছে । বিষয়াগৰাকীয়ে কৰ্মীসকলক ভয়-ভাবুকি, জোৰ জুলুমকৈ কমিচন লোৱাৰ সময়তে কমিচন লোৱাৰ সকলো দৃশ্য বন্দী হৈ ৰ'ল গোপন কেমেৰাত (Allegation against CDPO of Bongaigaon) ।
বিষয়াগৰাকীৰ এনে দুৰ্নীতিৰ বিৰুদ্ধে বঙাইগাঁও জিলা অংগনবাড়ী কৰ্মী সন্থাই অসম সঞ্চালক লৈ অভিযোগ দাখিল কৰিছে যদিও এতিয়ালৈকে বিষয়াগৰাকীৰ বিৰুদ্ধে কোনো ব্যৱস্থা গ্ৰহণ কৰা হোৱা নাই । বৰ্তমান বিষয়াগৰাকীয়ে এনে কাণ্ডৰ পিছত দুৰ্নীতি বিৰোধী চৰকাৰখনে বিষয়াগৰাকীৰ বিৰুদ্ধে কি ব্যৱস্থা গ্ৰহণ কৰে সেয়াহে লক্ষ্যনীয় হ'ব ৷
লগতে পঢ়ক : Pilgrims return from Mecca: মহিলাসহ উত্তৰ-পূৱৰ ছগৰাকী হজযাত্ৰীৰ মৃত্যু
