বিয়লি 5 বজাৰ শীৰ্ষ 10 বাতৰি

বিয়লি 5 বজাৰ শীৰ্ষ 10 বাতৰি

সীমান্ত সুৰক্ষা বাহিনীৰ প্ৰতিষ্ঠা দিৱসৰ কাৰ্যসূচীত অংশ গ্ৰহণ কৰিব গৃহমন্ত্ৰী অমিত শ্বাহে (Amit Shah to attend BSF raising day)। অনুষ্ঠানত বাংলাদেশ সীমান্ত সুৰক্ষা বাহিনীৰ সঞ্চালক প্ৰধান মেজৰ জেনেৰেল ম: শফিনুল ইছলাম উপস্থিত থাকিব ।

সৰ্বোচ্চ অসামৰিক সন্মান "অসম বৈভৱ", "অসম সৌৰভ" আৰু "অসম গৌৰৱ"ৰ বাবে নিৰ্বাচিত মুঠ ১৯ গৰাকী ব্যক্তিৰ নাম শনিবাৰে ঘোষণা কৰে মুখ্যমন্ত্ৰী ড৹ হিমন্তবিশ্ব শৰ্মাই ৷ সৰ্বোচ্চ অসামৰিক সন্মান "অসম বৈভৱ"(Assam baibhav Awards) আগবঢ়োৱা হৈছে দেশৰ বিশিষ্ট উদ্যোগপতি ৰতন টাটালৈ ।

গীৰ্জা ভঙাৰ অপৰাধত 2018 বৰ্ষত আইনৰ ৰোষত পৰা মাজুলীৰ সত্ৰধিকাৰ জনাৰ্দ্দন দেৱ গোস্বামীৰ প্ৰসংগত ৰায়দান দিলে যোৰহাট জিলা সত্ৰ ন্যায়াধীশ আদালতে (Majuli Session Court verdict Janardhan Dev Goswami)৷ প্ৰায় আঢ়ৈ বছৰজোৰা আইনী যুঁজৰ অন্তত যোৱা ২৬নৱেম্বৰত যোৰহাট সত্ৰ ন্যায়াধীশ আদালতে সত্ৰাধিকাৰ গৰাকীক দোষ মুক্ত কৰে ৷

পত্নীৰ চাফ-চিকুন স্বভাৱৰ বাবেই বিবাহ বিচ্ছেদৰ আবেদন স্বামীৰ ৷ পত্নীয়ে দিনটোত 6 বাৰকৈ গা-ধোৱাৰ লগতে ঘৰৰ সকলো সামগ্ৰী যেনে লেপটপ, মোবাইল আদি ডিটাৰজেন্টেৰে পৰিস্কাৰ কৰা স্বভাৱত অতিষ্ঠ হৈ স্বামীয় থানাত তৰিলে গোচৰ ৷

যোৰহাটৰ নাৰকীয় ঘটনা সন্দৰ্ভত আন এগৰাকী যুৱকক কৰায়ত্ত কৰিছে আৰক্ষীয়ে(Another accused of Jorhat Mob Lynching Case Caught) । যোৰহাটৰ বড়িপাৰাৰ পৰা প্ৰিয়াংশু দাস ওৰফে টিলৈক কৰায়ত্ত । ঘটনা সন্দৰ্ভত কৰায়ত্ত কৰা লোকৰ সংখ্যা ১৪ জনলৈ বৃদ্ধি ।

নিজৰ বিবাহখনক লৈ চৰ্চিত হৈ আছে বলীউড অভিনেতা বিকী কৌশল আৰু কেটৰিনা কাইফ (Vicky-Katrina marriage) ৷ শুকুৰবাৰে কোৰ্টত বিবাহ ৰেজিষ্টাৰ কৰিলে বিকী-কেটৰিনাই ৷

'জাৱাদ' ঘূৰ্ণীবতাহক লৈ আতংক অন্ধ্ৰ-ওড়িশাত (Cyclone Jawad hit Odisha and Andhra Pradesh)। দুয়োখন ৰাজ্যতে অধিক সষ্টম হৈছে প্ৰশাসন । কেইবাখনো জিলাত হাই এলাৰ্ট জাৰি । প্ৰবল বৃষ্টিপাতৰ সম্ভাৱনা ৷

টেষ্ট ক্ৰিকেটৰ ইতিহাসত এটা ইনিংছত 10 টা উইকেট দখল কৰিবলৈ সক্ষম হোৱা তৃতীয়গৰাকী বলাৰ হিচাপে ইতিহাস ৰচিলে নিউজিলেণ্ডৰ স্পিনাৰ এজাজ পেটেলে (Ajaz Patel record in test cricket) ৷ ভাৰত-নিউজিলেণ্ডৰ মাজত চলি থকা দ্বিতীয়খন টেষ্টত শনিবাৰে ভাৰতৰ বিৰুদ্ধে এই অভিলেখ গঢ়িবলৈ সক্ষম হয় এজাজে ৷

ডিব্ৰুগড় জিলা ছাত্ৰ সন্থাৰ উদ্যোগত, নামৰূপ আঞ্চলিক ছাত্ৰ সন্থাৰ আতিথ্যত আৰু নামৰূপবাসীৰ সহযোগত ১৬ ডিচেম্বৰৰ পৰা অনুষ্ঠিত হ’ব ভাওনা সমাৰোহ(Namrup Bhaona Samaroh) ৷ পাঁচদিনীয়া কাৰ্যসূচীৰে অনুষ্ঠিত হ'বলগীয়া সমাৰোহখনিৰ লাইখুঁটা শুকুৰবাৰে স্থাপন কৰা হয় ৷

মুখ্যমন্ত্ৰীক নিষিদ্ধ ঘোষণা কৰি গ্ৰেপ্তাৰৰ দাবী লেখিকা শিখা শৰ্মাৰ (Controversial Statement Of Sikha Sarma against CM) ৷ ভাৰতীয় সংবিধানক অৱমাননা কৰাৰ অপৰাধতে মুখ্যমন্ত্ৰীক গ্ৰেপ্তাৰৰ দাবী লেখিকাগৰাকীৰ ৷ ধুবুৰীত শুকুৰবাৰে উপস্থিত হৈ এই দাবী লেখিকাগৰাকীৰ ৷