বিশ্বনাথ,২৫ মাৰ্চ: গহপুৰৰ ১৫ নং ৰাষ্ট্ৰীয় ঘাইপথৰ বালিজান কটকী চুকত সংঘটিত হয় এক পথ দুৰ্ঘটনা । দুৰ্ঘটনাত এজন লোকৰ মৃত্যু হোৱাৰ লগতে আন দুজন লোক আহত হয় । প্ৰত্যক্ষদৰ্শীৰ মতে, AS-32-5684 নম্বৰৰ বাইকখলত তিনিজন আৰোহী ঘাঁহিগাঁৱৰ পৰা গহপুৰ অভিমুখে গৈ থকা সময়ত বালিজান কটকী চুকত বিপৰীত দিশৰ পৰা অহা এখন সেনাৰ বাহনে প্ৰচণ্ড জোৰে বাইকখনত খুন্দিয়ায় ৷ যাৰ ফলত সংঘটিত হয় এই শোকাৱহ দুৰ্ঘটনাটো ।
দুৰ্ঘটনাটোত থিতাতে নিহত যুৱকজন পাপু দাস বুলি চিনাক্ত কৰা হৈছে । ইফালে দুৰ্ঘটনাত পতিত হোৱা তিনিওজন লোক একেটা পৰিয়ালৰে ৷ আহত দুুগৰাকীৰ এগৰাকী কিশোৰী ৷ সম্প্ৰতি দুয়োকে গহপুৰ চিকিৎসালয়লৈ প্ৰেৰণ কৰা হৈছে ।
লগতে পঢ়ক: বঙাইগাঁৱত ভুৱা সেনাসহ জব্দ বিদেশী সুৰা
