বিশ্বনাথ, ১০ অক্টোবৰ : যি চৰকাৰে নিৰ্বাচনৰ পূৰ্বে ২৪ ঘন্টাই অসমৰ ৰাইজক বিজুলী যোগান ধৰা প্ৰতিশ্ৰুতি দিছিল সেইখন চৰকাৰৰ দিনত এতিয়া শক্তি বিভাগটোৰ একাংশ কৰ্মচাৰী কৰ্ম কাণ্ডই অতিষ্ঠ কৰিছে সৰ্বসাধাৰণ জনতাক । বিশ্বনাথ চাৰিআলি বিদ্যুৎ উপ সংমণ্ডলৰ অন্তৰ্গত বৰগাং চেৰেলীয় ১৫ নং ৰাষ্ট্ৰীয় ঘাইপথত যোৱা তিনি মাহ অধিক কাল এটা পছা ভঙা কাঠৰ বাটামৰ খুঁটাত উচ্চ ক্ষমতা সম্পন্ন বিদ্যুৎ পৰিবাহী তাঁৰ সংযোগ কৰি ৰাখিছে বিভাগটোৱে ৷ গুৰুত্বপূৰ্ণ কথাটো হ'ল যিকোনো সময়ত অঘটন সংঘটিত হ'ব পাৰে এই অঞ্চলত ৷ কিন্তু সেই বিষয়ে বিভাগৰ বিষয়া কৰ্মচাৰী কোনো কাণসাৰ নাই ।
লগতে পঢ়ক : কৃষক বিৰোধী আইন বাতিলৰ দাবীত কংগ্ৰেছৰ প্ৰতিবাদ
