বিশ্বনাথ, 12 ফেব্ৰুৱাৰীঃ সমগ্ৰ বিশ্বতে বৰ্তমান সময়ত জনসাধাৰণক সংকীৰ্ণ কৰি তুলিছে চীনত সংহাৰী ৰূপ ধাৰণ কৰা মাৰাত্মক ক’ৰাণা ভাইৰাছৰ প্ৰভাৱে । এই মাৰাত্মক ভাইৰাছক লৈ ইতিমধ্যে তৎপৰ হৈছে বিশ্ব স্বাস্থ্য সংস্থাকে ধৰি অন্যান্য দেশৰ লগতে ভাৰতবৰ্ষ ৷ ক’ৰাণা ভাইৰাছক লৈ বিভিন্ন সতৰ্কমূলক ব্যৱস্থা গ্ৰহণ কৰি দেশৰ স্বাস্থ্য বিভাগে । ক’ৰোণা ভাইৰেছৰ ধৰা কেনেকৈ পেলাব পাৰি তাৰ ওপৰতো সজাগতা সৃষ্টি কৰিছে স্বাস্থ্য বিভাগে ৷ দেশৰ বিভিন্ন বিমানবন্দৰ সমূহতো গ্ৰহণ কৰা হৈছে বিশেষ সতৰ্কতা ৷
ইফালে ভাৰতৰ অন্যান্য প্ৰান্তৰ লগতে মঙলবাৰে অসমৰ শোণিতপুৰ জিলা যুটীয়া স্বাস্থ্য সেৱা সঞ্চালক কাৰ্যালয় আৰু বিশ্বনাথ জিলা উপায়ুক্তই বিশ্বনাথ জিলা উপায়ুক্ত কাৰ্যালয়ত ক’ৰোণা ভাইৰাছ সন্দৰ্ভত এক সংবাদমেল আয়োজন কৰা হয় ৷
ক’ৰোণা ভাইৰাছৰ লক্ষণ কি ? এই ভাইৰাছত আক্ৰান্ত হ’লে কেনেকৈ ৰোগীজনক স্বাস্থ্য পৰীক্ষা কৰা হয় ৷ ভাইৰাছ চিনাক্ত হোৱা লগে লগে চৰকাৰী ভাৱে ৰোগীজনক লৈ কি দৰে চিকিৎসা সেৱা কৰা হ’ব তাৰ ওপৰত বিসদ ভাৱে যুটীয়া স্বাস্থ্য সেৱা সঞ্চালিকা ডঃ কৃষ্ণা কেমপ্ৰাইয়ে বক্তব্য দিয়ে ৷
আনহাতে বিশ্বনাথ জিলাৰ সকলো বিভাগৰ বিষয়া সকলক এই ক্ষেত্ৰত বিভিন্ন সজাগতা সৃষ্টি কৰিবলৈ আহ্বান জনাৱো হৈছে বুলি জানিবলৈ দিয়ে জিলা উপায়ুক্তয়ে ।
