বিশ্বনাথ, ২০ এপ্ৰিলঃ বিশ্বনাথৰ বিহালীৰ ১৫নং ৰাষ্ট্ৰীয় ঘাইপথত বনভোজ দলে আক্ৰমণ কৰে ট্ৰাক চালকক । চালকজনৰ পৰা নগদ ধন লুটি নিয়ে দলটোৱে ।
বনভোজ দলৰ দলবদ্ধ আক্ৰমণ ট্ৰাক চালকক
ৰাজপথৰে গৈ থকা অৱস্থাত কোনো কথা নোহোৱাকৈ বন ভোজ দলটোৱে ট্ৰাক খন আগ ভেটি ধৰি চালক জনক আক্ৰমণ কৰা লগতে চালক জনৰ টকা কাঢ়ি নিয়ে । লগতে ট্ৰাক খনলৈ শিলগুটি নিক্ষেপ কৰি ট্ৰাকখনৰ ক্ষয় ক্ষতি কৰে । ইফালে স্থানীয় ৰাইজ উপস্থিত হোৱাত বন ভোজ দলটো পলায়ন কৰে । স্থানীয় লোকে বিহালী আৰক্ষীক খবৰ দিয়াত ঘটনাস্থলীত উপস্থিত হয় বিহালী আৰক্ষী । ইতিমধ্যে আৰক্ষীয়ে উক্ত ঘটনাৰ তদন্ত আৰম্ভ কৰিছে ।
