বিশ্বনাথ ৪ মাৰ্চ: সমাগত বিধান সভা নিৰ্বাচন । নিৰ্বাচনক লৈ তৎপৰ হৈছে জিলা প্ৰশাসন নিৰ্বাচনী বিষয়া আৰক্ষী । ইফালে নিৰ্বাচনৰ যিকোনো সংক্ৰান্তীয় কাম-কাজ নিৰীক্ষণ কৰিবৰ বাবে বিশ্বনাথত জিলা প্ৰশাসনে বিশেষ পদক্ষেপ গ্ৰহণ কৰে । যান-বাহনসমূহ পৰীক্ষা কৰাৰ লগতে নিৰ্বাচনমূলক যিকোনো সমস্যাৰ সমাধান কৰিবলৈ নিৰ্দিষ্ট অঞ্চলত একো একোটা গোট গঠন কৰি একোজনকৈ বিষয়াক দায়িত্ব অৰ্পণ কৰিছে জিলা প্ৰশাসনে ।
বৃহস্পতিবাৰে বিহালী সমষ্টি, চতিয়া, বিধান সভা সমষ্টি, বিশ্বনাথ বিধান সভা সমষ্টিত নিৰ্বচনী বিষয়াই আৰক্ষীৰ সহযোগত ১৫ নং ৰাষ্ট্ৰীয় ঘাইপথত বাহনসমূহ ৰখাই তালাচী চলায় ।উল্লেখযোগ্য যে, নিৰ্বাচন বুলিলেই টকাৰ উজান উঠে । বিশেষকৈ নিৰ্বাচনত টকাৰ লেনদেন হোৱাটো এটা দীৰ্ঘদিনীয়া অভিযোগ উত্থাপন হৈ আহিছে । সেই অনুসৰিয়ে বিশ্বনাথৰ নিৰ্বাচনী বিষয়াই বিশেষ পদক্ষেপ গ্ৰহণ কৰিছে । বিশেষকৈ কোনো প্ৰাৰ্থীয়ে যাতে বিধানসভা নিৰ্বাচনত টকাৰ ৰাজনীতি কৰিব নোৱাৰে তাৰ প্ৰতি লক্ষ্য ৰাখি নিৰ্বাচনী কাম-কাজসমূহত তীক্ষ্ণ নজৰ ৰাখিছে বিশ্বনাথ জিলা প্ৰশাসন আৰু নিৰ্বাচনী বিষয়াই । আনহাতে এই পৰীক্ষা চলোৱা সময়ত একাংশ যাত্ৰীক দীৰ্ঘ সময় ধৰি ৰাখি থোৱাৰো অভিযোগ উত্থাপিত হৈছে ।
লগতে পঢ়ক:তিনিচুকীয়াত বৃহৎ পৰিমাণৰ নগদ ধন জব্দ
