বৰপেটাত সুৰা বিপণী বন্ধৰ দাবীত মহিলাৰ প্ৰতিবাদ

বৰপেটা-হাজো-গুৱাহাটী পথ অৱৰোধ কৰি প্ৰতিবাদ

বৰপেটা,28ফেব্ৰুৱাৰীঃ বৃহস্পতিবাৰে বৰপেটাৰ কেওটকুছিৰ মহিলাসকলে দেশীয় সুৰাৰ বিপণী বন্ধ কৰাৰ দাবীত প্ৰতিবাদ সাব্যস্ত কৰে । দেশীয় সুৰাৰ দোকানে সামাজিক পৰিবেশ বিনষ্ট কৰা বুলি অভিযোগ কৰি মহিলাসকলে বহুসময় ধৰি বৰপেটা-হাজো-গুৱাহাটী পথ অৱৰোধ কৰি ৰাখে ।

উল্লেখযোগ্য যে কেওটকুছি গাঁৱৰ মহিলাসকলে সুৰা বিপণীসমূহ বন্ধৰ দাবীত পূৰ্বেও পথ অবৰোধ কাৰ্যসূচী গ্ৰহণ কৰিছিল যদিও এই সন্দৰ্ভত আৰক্ষী-প্ৰশাসনে কোনো ব্যৱস্থা গ্ৰহণ নকৰাত বৃহস্পতিবাৰে পুনৰ প্ৰতিবাদ সাব্যস্ত কৰে।