জনীয়া,9 ডিচেম্বৰঃ পৰিৱৰ্তনকামী চৰকাৰে ঘোষণা কৰা উন্নয়নসমূহ যেন কেৱল মাত্ৰ ভাষণ আৰু বিজ্ঞাপনৰ মাজতে আৱদ্ধ হৈ আছে ৷ তেনে এক দৃশ্য দেখা পোৱা গ'ল কলগাছিয়াত ৷
কলগাছিয়াৰ শওপুৰত যাতায়তৰ বাবে যমৰ যাতনা ভুগিবলগীয়া হৈছে সৰ্বসাধাৰণ ৰাইজে ৷ তদুপৰি দীৰ্ঘদিনে ব্যৱহাৰৰ অনুপযোগী হৈ থকা এখন কোটি টকীয়া পকী দলঙেও জ্বলা-কলা খুৱাইছে বৃহত্তৰ অঞ্চলটোৰ ৰাইজক ৷ জানিব পৰা মতে, 2009 চনতে কলগাছিয়া ৰাজহ চক্ৰৰ অন্তৰ্গত শওপুৰত বেকী নদীৰ গৰাখহনীয়াই শওপুৰৰ পৰা জনীয়া-কাদং লৈ যোৱা প্ৰধানমন্ত্ৰী গ্ৰাম চড়ক যোজনাৰ পকী পথটো ভাঙি নিছিল ৷ ইয়াৰ পিছতে সংযোগবিহীন হৈ ব্যৱহাৰৰ অনুপযোগী হৈ পৰে কোটি টকীয়া দলংখন ৷
যাৰ পৰিপ্ৰেক্ষিতত শওপুৰ, কালামপুৰ, চানপুৰ, সোনাপুৰ আদি গাঁৱৰ সহস্ৰাধিক ৰাইজ যাতায়তৰ ক্ষেত্ৰত চৰম অসুবিধাৰ সন্মুখীন হ'বলগীয়া হৈছে ৷ আনহাতে, অতি শীঘ্ৰে দলংখনৰ লগত সংযোগ স্থাপন হোৱাকৈ কালামপুৰ-চানপুৰলৈ যোৱা পথ নিৰ্মাণ কৰি দিবলৈ দাবী জনাইছে সৰ্বসাধাৰণ ৰাইজে ৷
লগতে পঢ়কঃপুলৱামাত নিৰাপত্তাৰক্ষী আৰু সন্ত্ৰাসবাদীৰ মাজত প্ৰচণ্ড গুলিয়াগুলী
