বৰপেটাৰোডত তিনিখন বাইকসহ দুটা বাইক চোৰ আটক

৩১ নম্বৰ ৰাষ্ট্ৰীয় ঘাইপথত বৰপেটাৰোড আৰক্ষীয়ে অভিযান চলাই তিনিখন বাইকসহ আটক কৰে দুটা বাইক চোৰ ৷

বৰপেটাৰোড 31 জানুৱাৰীঃ বৰপেটাৰোডৰ বালাভিঠাৰ পৰা তিনিখন বাইকসহ দুটা বাইক চোৰক আটক কৰে বৰপেটাৰোড আৰক্ষীয়ে ৷ শুকুৰবাৰে বৰপেটাৰোড আৰক্ষীয়ে এক গোপন সূত্ৰৰ ভিত্তিত ৩১ নম্বৰ ৰাষ্ট্ৰীয় ঘাইপথত অভিযান চলাই বালাভিঠাৰ পৰা তিনিখন বাইকসহ আটক কৰে দুটা বাইক চোৰক ৷

জানিব পৰা মতে, AS 0B 0893, AS 15M 4323 আৰু AS15P 5297 নম্বৰৰ বাইক কেইখন লৈ চিৰাঙৰ বিজনীৰ পৰা আহি আছিল চাৰিটা বাইকচোৰ ৷ চোৰ কেইটাই ৩১ নম্বৰ ৰাষ্ট্ৰীয় ঘাইপথৰ বালাভিঠা আহি পোৱাৰ লগে লগে আৰক্ষীয়ে দুটা চোৰক আটক কৰে যদিও বাকী দুটা চোৰ পলায়ন কৰিবলৈ সক্ষম হয় ৷ আটকাধীন চোৰ দুটাৰ নাম আকিবুল ভূঞা আৰু হাবিজুল ভূঞা ৷ চোৰ দুটাৰ ঘৰ বৰপেটাৰ পালহাজীৰ মাইলকুচিত বুলি জানিব পৰা গৈছে ৷ইতিমধ্যে চোৰ দুটাক বৰপেটাৰোড আৰক্ষীয়ে প্ৰেৰণ কৰে জেল হাজোতলৈ ৷

লগতে পঢ়কঃকামাখ্যা ৰে'ল ষ্টেচনত ড্ৰাগছসহ মেঘালয়ৰ ছাত্ৰ আটক