বৰপেটাৰ খংৰাত ভয়ংকৰ পথ দুৰ্ঘটনা

বৰপেটাৰ খঙৰাত সংঘটিত ভয়ংকৰ পথ দুৰ্ঘটনাত দুজন গুৰুতৰভাবে আহত ৷ সংকটজনক অৱস্থাত বৰপেটা মেডিকেল কলেজলৈ প্ৰেৰণ ৷ আহত লোক দুগৰাকী ক্ৰমে চাহিল আলী (17), গোলাম উচমান (12) বুলি চিনাক্ত ৷

বৰপেটা, 22 জানুৱাৰী: বৰপেটাৰ খংৰাত সংঘটিত এক ভয়ংকৰ পথ দুৰ্ঘটনা দুগৰাকী লোক গুৰুতৰভাৱে আহত হৈছে ৷ আহত দুয়ো গৰাকী লোকক সংকটজনক অৱস্থাত চেঙা খণ্ড প্ৰাথমিক স্বাস্থ্য কেন্দ্ৰত ভৰ্তি কৰোৱা হয় যদিও অৱস্থা সংকটজনক হোৱাত দুয়োগৰাকীকে উন্নত চিকিৎসাৰ বাবে বৰপেটা মেডিকেল কলেজলৈ প্ৰেৰণ কৰা হয় বুলি জানিব পৰা গৈছে ৷

আহত লোক দুগৰাকী ক্ৰমে চাহিল আলী (17) , গোলাম উচমান (12) বুলি জানিব পৰা গৈছে ৷ জানিব পৰা মতে গুৱাহাটীৰ পৰা বৰপেটা অভিমুখে আহি থকা এখন মালবাহী ব'লেৰ' পিক আপ ভানে পাছফালৰ পৰা খুন্দা মৰাৰ ফলত দুৰ্ঘটনাটো সংঘটিত হয় ৷

লগতে পঢ়ক:লাঠিৰে কোবাই কোবাই হত্যা শুকুৰ আলীক