বৰপেটা,১০ ছেপ্টেম্বৰ: বৰপেটা সত্ৰৰ মুল কীৰ্তনঘৰ বা নামঘৰত প্ৰবেশৰ সময়ত ভক্ত দৰ্শনাৰ্থীক জাতীয় সাজপাৰ পৰিধানৰ আহ্বান বৰপেটা সত্ৰ পৰিচালনা সমিতিৰ ৷ সত্ৰীয়া পৰম্পৰা ৰক্ষাৰ প্ৰয়াস হিচাপে সত্ৰলৈ অহা ভক্ত দৰ্শনাৰ্থীসকলে সত্ৰৰ মুল কীৰ্তনঘৰত প্ৰৱেশৰ সময়ত জাতীয় সাজপাৰ পৰিধান কৰিবলৈ আহ্বান জনাইছে সত্ৰ সমিতিয়ে(Requested to devotees to wear traditional attire) ৷
সত্ৰৰ মৰ্যাদা আৰু সত্ৰীয়া পৰম্পৰা ৰক্ষাৰ বাবেই ভক্ত দৰ্শনাৰ্থীক জাতীয় সাজপাৰ পৰিধান কৰি আহিবলৈ অনুৰোধ জনাইছে বৰপেটা সত্ৰ পৰিচালনা সমিতিয়ে(Efforts to preserve sattriya tradition) ৷ অবশ্যে এয়া আজিৰ তাৰিখত বাধ্যতামূলক হিচাপে গ্ৰহণ কৰা নাই যদিও সত্ৰৰ গৰিমা আৰু পৰম্পৰাসমুহ জীয়াই ৰখাৰ বাবেই প্ৰথম অৱস্থাত অনুৰোধ জনোৱাৰ সিদ্ধান্ত গ্ৰহন কৰিছে সত্ৰ সমিতিয়ে ৷
অৱশ্যে কোনো ভক্ত-দৰ্শনাৰ্থীয়ে বিচাৰিলে সত্ৰৰ কীৰ্তনঘৰত প্ৰৱেশৰ সময়ত সত্ৰ পৰিচালনা সমিতিয়ে চুৰীয়া চোলা প্ৰদান কৰিব বুলি জানিবলৈ দিছে সত্ৰ পৰিচালনা সমিতিৰ সম্পাদকে ৷ মহাপুৰুষ মাধৱদেৱ গুৰুৱে স্থাপন কৰা বৰপেটা সত্ৰৰ কীৰ্তনঘৰত প্ৰৱেশৰ সময়ত চুৰীয়া বা জাতীয় সাজ পৰিধানৰ বাবে সত্ৰ সমিতিয়ে জনোৱা আহ্বান এক আদৰণীয় পদক্ষেপ হিচাপে বিবেচিত হৈছে ৷
লগতে পঢ়ক: তেজপুৰত যাত্ৰীবাহী বাছৰে সংঘৰ্ষ চিলিণ্ডাৰ কঢ়িওৱা বাহনৰ
