বিভাগৰ অৱহেলা, ৰাইজে নিজে মেৰামতি কৰিলে বানে ধ্বংস কৰা পথ

বিগত বৰ্ষৰ বানত বেয়াকৈ ধ্বংস হৈছিল সৰ্থেবাৰী পথৰ বহু অংশ ৷ ৰাইজে বহুবাৰ বিভাগীয় কৰ্তৃপক্ষক পথটো মেৰামতি কৰিবৰ বাবে দাবী জনাইছিল যদিও আজিকোপতি সহাঁৰি লাভ নকৰিলে ৷ এনে পৰিপেক্ষিততে ৰাইজে হাতে হাতে দা-কোৰ লৈ ওলাই আহিল ৰাজপথ নিৰ্মাণৰ বাবে ৷

বৰেপটা, 22 মে' : পাটাছাৰকুছি আৰু সৰুক্ষেত্ৰী সমষ্টিৰ সীমামুৰীয়া চাগালচাৰীত ৰাইজে হাতে হাতে দা-কোৰ লৈ ওলাই আহিল ৰাজপথ নিৰ্মাণৰ বাবে ৷ বিগত বৰ্ষত বানপানীত বাগনা, চাগলচাৰী সৰ্থেবাৰী পথৰ বহু অংশ উটুৱাই নিয়াৰ ফলত যাতায়তৰ বাবে চৰম দুৰ্ভোগ ভুগি আহিছিল ৷

বিগত প্ৰায় এটা বছৰে জন প্ৰতিনিধি আৰু চৰকাৰক গাঁওখনৰ সমস্যা সমাধানৰ বাবে অনুৰোধ জনাই আহিছিল যদিও কাৰ্যত আজিলৈ কোনো সঁহাৰি লাভ নকৰিলে ৰাইজে । যাৰ ফলত চাগলচাৰী গাঁৱৰ ৰাইজে নিজৰ গাঁঠিৰ ধন ভাঙি চাগলচাৰী সৰ্থেবাৰী পথৰ কেবা ঠাইত শ্ৰমদান কৰি পথটো মেৰামতি কৰাৰ উপৰি টুৰকুনি জানৰ গৰাখহনীয়া প্ৰতিৰোধৰ ব্যৱস্থা গ্ৰহণ কৰে।

লগতে পঢ়ক: ইটানগৰৰ পৰা পদব্ৰজে অসম পালেহি কলিয়াবৰৰ ২৫ জন শ্ৰমিক